Jio नं ह्या महिन्याच्या सुरुवातीला तीन लॉन्ग टर्म प्रीपेड प्लॅन्स लाँच केले आहेत. ज्यांची किंमत ३,२२५ रुपये, ३,२२६ रुपये आणि ३६६२ रुपये आहे. आता टेलीकॉम कंपनीनं आपल्या युजर्ससाठी नवीन अॅन्युअल प्रीपेड प्लॅन सादर केला आहे. ह्या नवीन रिचार्ज पॅकमध्ये अनलिमिटेड ५जी डेटा आणि अनलिमिटेड कॉलिंग दिली जात आहे. इतकंच नव्हे तर प्लॅनमध्ये OTT बेनेफिट देखील मिळत आहे. हा डेटा प्लॅन कंपनीच्या वेबसाइटवर लिस्ट करण्यात आला आहे. चला जाणून घेऊया नवीन जिओ प्लॅनची माहिती.
Jio 3227 Rs Annual Recharge Plan
Jio च्या नवीन प्रीपेड प्लॅनची किंमत ३,२२७ रुपये आहे. ह्या प्रीपेड प्लॅनमध्ये अनलिमिटेड ५जी डेटासह डेली २जीबी डेटा आणि १००एसएमएस दिले जात आहेत. ह्यात अनलिमिटेड कॉलिंग मिळते. तसेच, रिचार्ज प्लॅनसह Amazon Prime चं सब्सक्रिप्शन आणि जिओ टीव्ही, सिनेमा व क्लाउडचा अॅक्सेस दिला जात आहे. ह्या पॅकची वैधता ३६५ दिवस म्हणजे एक वर्ष आहे. जिओचा हा प्रीपेड पॅक ऑफिशियल वेबसाइटसह पेटीएम आणि गुगल पे सारखे प्लॅटफॉर्मवर देखील उपलब्ध झाला आहे.
क्रिकेट वर्ल्डकपसाठी खास प्रीपेड प्लॅन
Reliance Jio नं काही दिवसांपूर्वी क्रिकेट वर्ल्ड कपसाठी ६ नवीन प्रीपेड प्लॅन लाँच केले होते. ह्या प्रीपेड प्लॅनची किंमत ३२८ रुपयांपासून झाली आहे. ह्या सर्व प्लॅन्समध्ये अमर्याद कॉलिंगसह १०० एसएमएस रोज दिले जात आहेत. ह्यात पुरेसा डेटा मिळत आहेत, तसेच क्रिकेट पॅक्समध्ये Disney+ Hotstar चं सब्सक्रिप्शन देखील मोफत मिळत आहे.
याआधी जियोनं सप्टेंबरमध्ये Jio AirFiber सर्व्हिस भारतात लाँच केली होती. ही सर्व्हिस सध्या ८ शहरांमध्ये उपलब्ध झाली आहे. याची किंमत ५९९ रुपयांपासून सुरु होते. ह्या प्लॅन्समध्ये ३०एमबीपीएस स्पीड डेटा दिला जात आहे. ह्यात कॉलिंगची सुविधा मिळते. त्याचबरोबर प्लॅनमध्ये १४ ओटीटी अॅप्सचा अॅक्सेस आणि डिजिटल चॅनेलचा सपोर्ट मिळतो.
