इस्रायल आणि हमास यांच्यात सुरू असलेले युद्ध आता अधिक भीषण होताना दिसत आहे. इस्रायली सैन्याने गाझामधील पॅलेस्टिनींवर पुन्हा एअर स्ट्राईक केला असल्याची बातमी समोर येत आहे. इस्रायली लष्कराने सोमवारी (23 ऑक्टोबर) हा एअर स्ट्राईक केला. याआधी इस्रायलने उत्तर गाझामध्ये राहणाऱ्या पॅलेस्टिनी लोकांना येथून स्थलांतरित होण्याचा इशारा दिला होता.
इस्रायलने नुकत्याच दिलेल्या इशाऱ्यात उत्तर गाझामध्ये राहणाऱ्या पॅलेस्टिनी लोकांना दक्षिणेकडे जावे, असे म्हटले होते. त्यांनी म्हटले होते की, जर उत्तर गाझामध्ये राहणारे लोक दक्षिणेकडे गेले नाहीत, तर ते दहशतवादी संघटनांचे सहयोगी मानले जाऊ शकतात. आता इस्रायलने पॅलेस्टिनींवर एअर स्ट्राईक सुरू केले आहेत.
