मृत्यू कोणावर कधी आणि कसा ओढावेल याचा काही नेम नाही. असं तुम्ही बऱ्याचवेळा पाहिलं असेल आणि म्हटलं ही असेल. हे असं म्हणण्यापाठचं कारण तितकंच भयानक आहे. सोशल मीडियावर हा सर्व प्रकारच्या व्हिडिओचा खजिना आहे. यात काही गंमतीदार व्हिडिओ असतात तर कधी काळजाचे पाणी करणारे व्हिडिओ आपल्याला पाहायला मिळतात. अशातच सोशल मीडियावर एका सीसीटीव्हीचे फूटेज समोर आलं असून यामधील दृश्य मन विचलीत करणारी आहेत.
व्हायरल झालेल्या व्हिडिओत तु्म्ही पाहू शकता की, रस्त्यावर लोकांची वर्दळ दिसत आहे. तेव्हाच या रस्त्यावरुन एक जोडपं बाईकवरुन जात आहे. अशातच रस्त्यावरून जात असताना अचानक बाईकवर इमारतीचा काही भाग पडतो. पण बाईकवरील महिलेलावरुन पडणारा इमारतीचा भाग दिसतो. त्यामुळे ती तात्काळ बाईकवरुन बाजुला होते. मात्र बाईकचालकास याची कल्पना नसल्याने त्यावर ढिगारा पडतो. ढिगारा पडताच सर्वत्र धूळ उडाल्याचंही व्हिडीओत दिसत आहे. शिवाय हा ढिगारा इतक्या जोरात पडतो की त्याचा आवाज ऐकून बाजारातील लोकं धावत घटनास्थळी येतात. जमलेलेल लोक त्याच्या अंगावर पडलेला ढिगारा हटवण्याता प्रयत्न करत आहे.
@vani_mehrotra या ट्वीटर अंकाऊटंवरुन हा व्हिडिओ पोस्ट करण्यात आला आहे. सर्व प्रकार जवळच्या इमारतीच्या सीसीटीव्हीमध्ये कैद झाला आहे. या अपघातात बाईकचालकाचा मृत्यु झाल्याचे समजत आहे. हा व्हिडिओ हरियाणातील पानिपत शहरातील आहे. अशा प्रकारच्या अपघातांना अनेकजणांचे बळी गेले आहेत. या अपघातामुळे अनेक प्रश्न उपस्थित झाले आहेत.
हा व्हिडिओ मोठ्या प्रमाणात व्हायरल होत आहे. नेटकऱ्यांनी या गोष्टीबद्दल हळहळ व्यक्त केली आहे. व्हायरल होत असलेल्या व्हिडिओवर एका यूजर्सने लिहील आहे की, ‘या गोष्टीचा तपास करुन जे दोषी आहेत त्यावर लवकरात लवकर कारवाई करण्यात यावी’ तर आणखी नेटकऱ्यांचे लिहिल आहे,’ कोणत्यात व्यक्तीवर अशी वेळ येऊ नये’
