मनोज जरांगे पाटील यांची शांतता रॅली आज (9 ऑगस्ट) कोल्हापुरात पोहोचली.त्यांची कोल्हापुरातरॅली सुद्धा होणार आहे.गुरुवारी 8 ऑगस्ट रोजी रात्री कोल्हापूरचा मानबिंदू असलेल्या केशवराव भोसले नाट्यगृहात आग लागली.जरांगे पाटील यांनी कोल्हापूरमध्ये पोहोचल्यानंतर दसरा चौकात राजर्षी शाहूंच्या पुतळ्याचे दर्शन घेत अभिवादन केले.यानंतर जरांगे पाटील यांनी केशवराव भोसले नाट्यगृहाची पाहणी केली.
यावेळी त्यांच्यासोबत मराठा महासंघाचे वसंतराव मुळीकांसह कार्यकर्ते सोबत होते.आज खासदार शाहू महाराज, पालकमंत्री हसन मुश्रीफ यांच्यासह माजी खासदार संभाजीराजे यांनी नाट्यगृहाची पाहणी केली.भीषण आगीत नाट्यगृह आणि खासबाग मैदानाचे व्यासपीठ जळून खाक झालं आहे.नाट्यगृहाच्या समोरील बाजू फक्त शिल्लक राहिली आहे.नाट्यगृह उद्ध्वस्त झाल्याने वारसा संपल्याची भावना व्यक्त होत आहे.
