सांगोल्यातील खिलार जनावरांचा बाजार जसा पश्चिम महाराष्ट्रात प्रसिद्ध आहे तशाच प्रकारे आता माडग्याळ मेंढ्यांच्या बाजारामुळे कर्नाटक व महाराष्ट्रातील हौशी माडग्याळ मेंढपाळाच्या प्रसिद्धीस उतरलेला आहे. सांगोला कृषी उत्पन्न बाजार समितीच्या आवारात माडग्याळ मेंढ्यांचा भव्य बाजार भरवलेला होता. या बाजारासाठी सोलापूर जिल्ह्यासह शेजारील कर्नाटकातील तसेच सांगली व सातारा जिल्ह्यातील धनगर समाज बांधव गुलाल व भंडाऱ्याची उधळण करीत माडग्याळ मेंढ्या बकरी खरेदी विक्रीसाठी घेऊन आले होते.
दरम्यान या बाजारात माडग्याळ मेंढ्याला लाखापासून ते चोचदार मानदेशी माडग्याळ मेंढ्याला 25 लाख रुपयांची मागणी आली. बाजारात सर्वत्र माडग्याळ मेंढ्यांचा बोलबाला दिसून आला. दिवसभर 1000 माडग्याळ मेंढ्यांच्या खरेदी विक्रीतून दीड कोटी रुपयांची उलाढाल झाल्याचे सांगोला येथील हौशी मेंढपाळ बाबू मेटकरी यांनी सांगितले.
