सालाबादप्रमाणे याही वर्षी श्रावण महिन्याच्या तिसऱ्या मंगळवारी दि. २० ऑगस्ट रोजी नागाव, ता. हातकणंगले येथे श्री खनाईदेवीची यात्रा मोठया उत्साहात संपन्न होत आहे. यात्रा मंगळवार व बुधवार अशी दोन दिवस भरणार आहे. यात्रेचा मुख्य दिवस मंगळवारी असून सकाळी मान सवाल, त्यानंतर पूजा अभिषेक घातला जातो. दुपारी ३ वाजता देवीची पालखी निघून संपुर्ण गावात प्रदक्षिणा घातली जाते.
सायंकाळी ४ वाजता जंगी नामवंत मल्लांचे कुस्त्यांचे मैदान आयोजित केले आहे. रात्रौ ९ वाजता करमणुकीचा कार्यक्रम ऑर्केस्ट्रा आयोजित केला आहे. बुधवारी रात्रौ ९ वाजता सुप्रसिद्ध लावण्याचा कार्यक्रम आयोजित केला आहे. बुधवारी सकाळी ठिक ९ वाजता घोडागाडी व बैलगाडी शर्यती शासनाच्या नियमानुसार होणार आहेत. सर्व गावकऱ्यांनी यात्रा उत्साहात व शांततेत पार पाडावी असे आवाहन यात्रा कमिटीचे अध्यक्ष सतीश लंबे यानी केले
