मराठा आरक्षणासाठी लढा देणारे मनोज जरांगे पाटील महाराष्ट्रातील मराठा समाजाच्या गाठीभेटी घेण्यासाठी पुन्हा दौरा सुरू करणार आहेत. दिवाळीनंतर १५ नोव्हेंबर पासून कोल्हापूर येथून शाहू महाराजांच्या स्मारकापासून दौऱ्याला सुरुवात होणार आहे, अशी माहिती मनोज जरांगे पाटील यांनी पत्रकार परिषदेत दिली. दरम्यान उद्योग पती, डॉक्टर, शिक्षक यांनी कोणीही मराठा समाजाला पैसे देऊ, असे आवाहने त्यांनी केले आहे. १५ ते २३ नोव्हेंबर असा दौरा राहणार असून अंतरवाली येथे दौऱ्याची समाप्ती होणार आहे.
असा असेल दौरा
– 15 नोव्हेंबर
वेळ सकाळी 11.00 अंतरवाली ते वाशी, दुपारी 4:30 वाशी ते पारांडा, रात्री 7:30 परंडा ते करमाळा
१६- नोव्हेंबर
सकाळी 11.00 वाजता करमाळा ते दौंड, दुपारी 5.00 दौंड ते मायणी
17 नोव्हेंबर
सकाळी 10.00 मायणी ते सांगली, दुपारी 2.00 सांगली ते कोल्हापूर, दुपारी 5.00कोल्हापूर ते इस्लामपूर, रात्री 8.00 इस्लामपूर ते कराड.
18 नोव्हेंबर.
सकाळी 10.00 कराड ते सातारा, दुपारी 1.00 सातारा ते मेढा, दुपारी 4.00 मेढा ते वाई, रात्री 9.00 वाई ते रायगड
19 नोव्हेंबर
सकाळी 9 ते 1 रायगड दर्शन – पाचाड ते रायगड, दुपारी 3.00 महाड दर्शन, रात्री 7 वा. रायगड – मुळशी – आळंदी
20 नोव्हेंबर
सकाळी 9 वा. आळंदी ते तुळापुर – छ्त्रपती संभाजीराजे अभिवादन, सकाळी 11.00 वा. तुळापुर ते पुणे (खराडी , चंदननगर), दुपारी 3.00 वा. पुणे ते खालापूर, सायंकाळी 6.00 वा. खालापूर ते कल्याण
21 नोव्हेंबर
सकाळी 10 कल्याण ते ठाणे, दुपारी 3.00 ठाणे ते पालघर, रात्री 8.00 पालघर ते त्रिंबकेश्र्वर
22 नोव्हेंबर
सकाळी 11.00 त्रिंबकेशवर ते विश्रांतगड , दुपारी 3.00 विश्रांतगड ते संगमनेर, सायंकाळी 6.00 संगमनेर ते श्रीरामपूर
23 नोव्हेंबर
सकाळी 10.00 श्रीरामपुर ते नेवासा, दुपारी 1.00 नेवासा ते शेवगाव, दुपारी -5.00 शेवगाव ते बोधेगाव, धोंडराई, सायंकाळी 7.00 धोंडराई ते अंतरवाली सराटी
मराठा समाजाचा लढा गोरगरीबांना न्याय देण्यासाठी आहे, पैसे कमवण्यासाठी नाही. महाराष्ट्रातील दौरे, सभा यांचा खर्च आम्ही कोणाकडे मागितलेला नाही. त्यामुळे कोणीही पैसे देऊ नये असं आवाहन त्यांनी केले आहे. दरम्यान मराठा आरक्षणासाठी १ डिसेंबरपासून साखळी उपोषण सुरू करण्यात येणार आहे. त्या पार्श्वभूमीवर मराठा समाजामध्ये जागृती करण्यासाठी या दौऱ्याचे आयोजन करण्यात आले आहे.
