हातकणंगले तालुक्यातील तारदाळ येथील कन्या विद्यामंदिर शाळेने मुख्यमंत्री माजी शाळा सुंदर शाळा स्पर्धेत हातकणंगले तालुक्यात प्रथम क्रमांक पटकावला.शाळेस तीन लाखांचे बक्षीस मिळणार आहे. शाळेची जिल्हास्तरीय मूल्यांकनासाठी निवड झाली असून समितीकडून प्राथमिक मूल्यांकन पूर्ण झाले आहे.
कन्या विद्यामंदिर तारदाळ शाळेत शालेय भिंतीवर प्लास्टिक बंदी, आरोग्य, प्रदूषण, पर्यावरण, तंबाखूमुक्ती, स्त्री-पुरुष समानता यासारख्या विषयावर संदेश लेखन, भित्तीचित्रे, प्रबोधनपर सुविचार तसेच इको-फ्रेंडली गणेशमूर्ती निर्मिती, सेल्फी विथ ट्री, परसबाग निर्मिती तसेच महावाचन चळवळ, स्वच्छता मॉनिटर, मेरा देश मेरी माटी, आनंददायी शनिवार असे उपक्रम व शासकीय कार्यक्रमांची प्रभावी अंमलबजावणी अशा उपक्रमांच्या जोरावर यश मिळवले.
मुख्यमंत्री सुंदर शाळा स्पर्धेत तारदाळचे कन्या विद्यामंदिर हातकणंगले तालुक्यात प्रथम
