हातकणंगले तालुक्यातील माणगाववाडी येथे गावठी दारूच्या हातभट्टीवर हातकणंगले पोलिसांनी छापा टाकून दारूभट्टी उद्ध्वस्त केली. ही कारवाई गुरुवारी सायंकाळी केली असून, कारवाईमध्ये एक लाख आठ हजार रुपयांचा मुद्देमाल जप्त व नष्ट केला. दादासो शिवाजी कांबळे (रा. साजणी), उत्तम आनंदा कलगुट्टी (रा. माणगांव) यांच्या विरुद्ध गुन्हा नोंद केला.
कारवाई पोलिस निरीक्षक शरद मेमाणे, पीएसआय भोजकर, सहायक फौजदार सुरजानंद चव्हाण, थरे, चालक पाटील, होमगार्ड कांबळे, सय्यद व अन्य स्टाफने केली आहे. याबाबतची फिर्याद पोलिस कॉन्स्टेबल संग्राम पाटील यांनी हातकणंगले पोलिसांत दिली आहे.
