खानापूर मतदारसंघात दिवंगत नेते आमदार अनिल बाबर यांचे पुत्र सुहास भैया बाबर यांना शिंदेसेनेकडून अपेक्षेप्रमाणे उमेदवारी दिलेली आहे. त्यांच्या विरोधात महाआघाडीने राष्ट्रवादी शरदचंद्र पवार पक्षाकडून वैभव पाटील यांना उमेदवारी दिलेली आहे. दोघेही विधानसभेच्या मैदानात प्रथमच लढत आहेत. दोन्ही कुटुंबांची पारंपारिक लढाई यापूर्वी लक्षवेधी ठरलेली आहे. आता दोन्ही कुटुंबांचे वारस एकमेकांसमोर उभे ठाकले आहेत. पहिल्याच प्रयत्नात विजयाचा षटकार ठोकण्यासाठी ते सज्ज झालेले आहेत. अर्थातच त्यांची लढाई सोपी नसून त्यांना फार कसरत करावी लागणार आहे.
