सांगोला विधानसभेसाठी ४८ अर्ज दाखल

सांगोला विधानसभा मतदारसंघ सार्वत्रिक निवडणुकीसाठी उमेदवारी अर्ज स्वीकारण्याच्या सलग सहाव्या दिवशी मंगळवार, २९ रोजी १९ उमेदवारांनी २५ अर्ज दाखल केले आहेत. ८१ उमेदवारांनी ११४ अर्जांची खरेदी केली आहे.मात्र, आतापर्यंत एकूण ३७ उमेदवारांनी ४८ उमेदवारी अर्ज दाखल केले आहेत. शेवटच्या दिवशी निवडणूक कार्यालयासमोर अर्ज भरणार्‍या उमेदवारांची व कार्यकर्त्यांनी मोठी गर्दी केली होती.आज बुधवार, ३० रोजी अर्जांची छाननी होणार आहे. यात कोणाचे अर्ज वैध ठरतात, तर कोणाचे अर्ज अवैध ठरतात, हे पाहणे औत्सुक्याचे ठरणार आहे.चार नोव्हेंबरपर्यंत अर्ज मागे घेता येणार आहेत. याच दिवशी फायनल उमेदवारांची नावे समोर येणार आहेत. २० रोजी मतदान होणार आहे.