भारत आणि न्यूझीलंड यांच्यातील वानखेडे स्टेडियमवर सुरू असलेल्या तिसऱ्या कसोटी सामन्याने रोमांचक वळण घेतले आहे. पहिल्या दिवसअखेर अनेक विकेट्स गमावल्यानंतर टीम इंडियाने ऋषभ पंत आणि शुभमन गिलच्या अप्रतिम फलंदाजीच्या जोरावर जोरदार पुनरागमन केले. पहिल्या डावात 263 धावा करून भारत ऑलआऊट झाला. मात्र शुभमन गिलचे शतक हुकले. 90 धावा करून तो बाद झाला. त्याने आपल्या खेळीत 7 चौकार आणि 1 षटकार मारला.वॉशिंग्टन सुंदर (38*) यानेही शेवटी चांगली फलंदाजी केली. भारताकडे आता 28 धावांची आघाडी आहे. टीम इंडियाला आघाडी देण्यात सुंदरने महत्त्वाची भूमिका बजावली. रवींद्र जडेजा ( 14) आणि रविचंद्रन अश्विन (6) स्वस्तात बाद झाले तर सर्फराज खान खातेही उघडू शकला नाही. न्यूझीलंडकडून एजाज पटेलने सर्वाधिक 5 बळी घेतले.
ऋषभ पंतची 60 धावांची झंझावाती खेळी आणि शुबमन गिलच्या नाबाद 70 धावांच्या जोरावर भारताने न्यूझीलंडविरुद्धच्या तिसऱ्या आणि अखेरच्या कसोटी सामन्याच्या दुसऱ्या दिवशी शनिवारी उपाहारापर्यंत पाच गड्यांच्या मोबदल्यात 195 धावा केल्या होत्या. न्यूझीलंडने पहिल्या डावात 235 धावा केल्या होत्या. पहिल्या दिवसाच्या शेवटच्या सत्रात भारताने कर्णधार रोहित शर्मा (18), त्याचा सलामीचा जोडीदार यशस्वी जैस्वाल (30) आणि विराट कोहली यांच्यासह चार विकेट गमावल्या. गिल आणि पंत यांनी सकाळी चार विकेट्सवर 86 धावांवरून भारतीय डाव पुढे नेला आणि प्रतिआक्रमण करत संघाला संकटातून सोडवले.उपाहाराच्या वेळी रवींद्र जडेजा 10 धावा करून गिलसोबत खेळत होता.
पंतच्या 59 चेंडूंत आठ चौकार आणि दोन षटकारांच्या मदतीने केलेल्या 60 धावांच्या आक्रमक खेळीमुळे भारताने पुनरागमन केले. भारताने पहिल्या तासात 14 षटकात 77 धावा जोडल्या होत्या. पंत आणि गिल यांनी पाचव्या विकेटसाठी केवळ 114 चेंडूत 96 धावांची भागीदारी केली.जिथे पंतने आक्रमक वृत्ती स्वीकारली होती. तर गिलने फिरकीपटूंसमोर आपल्या तंत्रात बरीच सुधारणा दाखवली. या दोन्ही भारतीय फलंदाजांना लाइफ सपोर्टही मिळाला. गिलने डावाच्या २६व्या षटकात ग्लेन फिलिप्सचा चेंडू हवेत उडवला. पण बदली क्षेत्ररक्षक मार्क चॅपमनने तो वगळला. फिलिप्सच्या चेंडूवर मॅट हेन्रीने लाँग ऑफवर पंतचा सोपा झेल घेतला. या दोन्ही युवा फलंदाजांनी 30व्या षटकात आपले अर्धशतक पूर्ण केले. पंतला मात्र जीवनदानाचा लाभ घेता आला नाही. लेगस्पिनर ईश सोधीने त्याला एलबीडब्ल्यू आऊट केले.
