राज्यात सध्या विधानसभा निवडणुकीच्या प्रचाराला वेग आला आहे. सर्वच नेते प्रचारात व्यस्त आहेत. अशातच आज भाजपचे ज्येष्ठ नेते आणि गृहमंत्री अमित शाह महाराष्ट्र विधानसभा निवडणुकीसाठी पक्षाचा जाहीरनामा प्रसिद्ध करण्याची शक्यता आहे.भाजपच्या जाहीरनाम्यात महाराष्ट्रातील जनतेसाठी आश्वासनांचा वर्षाव होण्याची शक्यता आहे.
महायुतीतील प्रमुख पक्ष असणाऱ्या भाजपचे नेते अमित शाह यांच्या हस्ते आज सोफिटेल हॉटेल, बीकेसी वांद्रे पूर्व येथे जाहीरनामा प्रसिद्ध होणार आहे. यावेळी देवेंद्र फडणवीस, प्रदेशाध्यक्ष चंद्रशेखर बावनकुळे, मुंबई अध्यक्ष आशिष शेलार यांच्यासह पक्षाचे सर्व ज्येष्ठ नेते उपस्थितीत राहणार आहेत.
