आगामी विधानसभा निवडणुकीचे वेध प्रत्येक मतदारसंघात पहावयास मिळत आहे. नेते मंडळींचा प्रचार दौरा देखील सुरू झालेला आहे. रुकडीसह पंचक्रोशीत कोणताही गट तट न पाहता गावागावात विकासाचा झंजावात निर्माण केला. रुकडी पंचक्रोशीत विकासाचे नवे पर्व सुरू केले. गावातील सर्व समाजातील लोकांना सोबत घेत प्रत्येकाचे प्रश्न मार्गी लावत विकास कामासाठी भरीव निधी दिला त्यामुळेच राजूबाबा आवळे यांना वाढणारा प्रतिसाद ही येणाऱ्या २३ तारखेच्या गुलालाची नांदी आहे असे प्रतिपादन हातकणंगले तालुका कॉंग्रेस चे अध्यक्ष भगव- नराव जाधव यांनी केले.
अनेक वर्षापासून प्रलंबित असलेली कामे मार्गी लावली असून विकास कामांचे योग्य नियोजन आणि सर्वांगीण प्रगतीचे व्हिजन घेऊन आमदार राजूबाबा आवळे हे काम करीत आहेत. विकास कामांचे कर्तव्य पूर्ण केले असून गावा गावात मिळणारा प्रतिसाद पाहता या निवडणुकीत महाविकास आघाडीचे उमेदवार राजूबाबा आ वळे यांना रूकडीसह पंचक्रोशीतील ग्रामस्थ ही त्यांना भरघोस मते देऊन विजयी करतील असा विश्वास यावेळी जाधव यांनी व्यक्त केला.
प्रारंभी छत्रपती शिवाजी महाराज यांच्या पुतळ्यास आमदार राजूबाबा आवळे यांनी पुष्पहार घालून अभिवादन केले. यावेळी शेकडो मतदारांनी रॅलीत सहभागी होऊन आमदार आवळे यांच्या विजयाच्या घोषणा दिल्या. तर पद यात्रेत सहभागी ग्रामस्थांनी मला पाठबळ देत मताधिक्य देण्याचे आश्वासन दिले असून, तुमची साथ मला पुन्हा विजयी करणारी ठरणार आहे असा विश्वास आमदार आवळे यांनी व्यक्त केला.
