फटाक्याच्या गोदामाला भीषण आग, सात जणांचा होरपळून मृत्यू, अनेक कामगार फसल्याची शक्यता

पिंपरी चिंचवडमध्ये मोठी आग लागलेली आहे, आगीत सात जणांचा होरपळून मृत्यू झालाय तर आणखी काही कामगार त्यात फसल्याच बोललं जातंय. तळवडे येथील फटाका गोदामाला ही आग लागली होती, अशी सूत्रांकडून माहिती मिळतीये.

हे फटाका गोदाम विनापरवाना सुरू होते, असंही म्हटलं जात आहे. काहीवेळा पूर्वी लागलेल्या या आगीवर अग्निशमन दलाचे जवान नियंत्रण मिळवत आहेत. दुसरीकडे सात ते आठ रुग्णवाहिका घटनास्थळी दाखल आहेत. आत्तापर्यंत सात मृतदेह बाहेर काढण्यात आलेल्या आहेत, आणखी कामगारांचा शोध सुरु आहे.