तुम्ही सरकारी बँकेत नोकरीच्या शोधात असाल तर ही बातमी तुमच्यासाठी महत्वाची आहे. स्टेट बँक ऑफ इंडिया (SBI) ने चंदीगड सर्कल अंतर्गत लेह आणि कारगिल व्हॅलीसह लडाखमध्ये क्लर्क पदांसाठी अर्ज मागविले आहेत.यासंदर्भात एक अधिसूचना जारी करण्यात आली आहे. अधिकृत वेबसाइटवर या भरतीसाठी अर्ज प्रक्रिया सुरू करण्यात आली आहे. इच्छुक उमेदवार या पदांसाठी 27 डिसेंबर 2024 पर्यंत अर्ज करू शकणार आहेत.
अर्ज कोण करु शकते?
या भरतीसाठी अर्ज करणारे उमेदवार मान्यताप्राप्त विद्यापीठातून पदवीधर असले पाहिजेत.
या भरतीसाठी अर्ज करणाऱ्या उमेदवाराचे किमान वय 20 वर्षे आणि कमाल वय 28 वर्षे असावे.
या संदर्भात अधिक तपशीलांसाठी, उमेदवार अधिकृत वेबसाइटला भेट देऊ शकतात.
अर्ज कसा करायचा?
उमेदवाराने प्रथम SBI ची अधिकृत वेबसाइट sbi.co.in ला भेट द्यावी.
यानंतर संबंधित लिंकवर क्लिक करावे
त्यानंतर उमेदवारांनी आपली नोंदणी करावी.
यांनंतर उमेदवारांनी त्यांचा अर्ज भरावा.
अर्ज भरल्यानंतर उमेदवारांनी तो सबमिट करावा.
शेवटी, उमेदवारांनी अर्ज डाउनलोड करून त्याची प्रिंट काढावी.
पात्रता
स्टेट बँक ऑफ इंडियाची भरती लडाखसाठी आहे. या पदांसाठी अर्ज करण्यासाठी उमेदवारांनी मान्यताप्राप्त विद्यापीठातून कोणत्याही विषयात पदवीधर असणे आवश्यक आहे. पदवी अभ्यासक्रमाच्या शेवटच्या सेमिस्टरमध्ये असलेले उमेदवारही अर्ज करण्यास पात्र आहेत.
निवड प्रक्रिया
बँक क्लर्क पदाच्या निवडीसाठी बँक प्रिलिम परीक्षा, मुख्य परीक्षा आणि मुलाखत घेईल. त्यानंतर मेरिट लिस्ट जारी केली जाईल. याअंतर्गत एकूण 50 पदे भरली जाणार आहेत.
प्रिलिम्स आणि मुख्य परीक्षा
SBI बँक लिपिक प्रिलिम्स परीक्षा जानेवारी 2025 मध्ये आणि मुख्य परीक्षा फेब्रुवारी 2025 मध्ये होण्याची शक्यता आहे. यात पास झालेले उमेदवार मुलाखतीसाठी पात्र ठरणार आहेत.
