अनेक भागात नागरिकांच्या समस्या जाणून घेऊन त्या दूर करण्याचा प्रयत्न सुरु आहे. भागाभागात सध्या अनेक विकासकामे सुरु झालेली आहेत. महात्मा फुले चौक ते जुने एसबीआय बँकेपर्यंत सार्वजनिक मुतारी व शौचालयाची सुविधा नगरपालिकेने करावी, याबाबत नगरपालिकेकडे यापूर्वी अनेकदा अशोक कामटे बहुउद्देशीय सामाजिक संघटनेने मागणी केलेली होती. याबाबतचे निवेदन स्मरणपत्र सांगोला नगरपालिकेचे मुख्याधिकारी डॉ. सुधीर गवळी यांना शहीद अशोक कामटे बहुउद्देशीय सामाजिक – संघटनेच्यावतीने देण्यात आले होते.
यापूर्वी देखील स्टेशन रोड, सर्व शहर परिसरात अशा प्रकारची सार्वजनिक टॉयलेट उभा राहवीत मागणीद्वारे केली होती, लघुशंकेचा प्रश्न निर्माण झाला होता. नगरपालिकेचे कर्तव्यदक्ष मुख्याधिकारी डॉ सुधीर गवळी यांनी कामटे संघटनेच्या निवेदनाची दखल घेऊन पूर्तता केल्याने नागरिकांमध्ये समाधानाचे वातावरण आहे. तालुक्यातून व इतर भागातून अनेक नागरिक सांगोल्यात कामाकरिता सातत्याने दैनंदिन येत असतात त्यामध्ये महिला वर्गांचा मोठी संख्या आहे.
त्याचबरोबर पुरुषही तेवढ्याच प्रमाणात आवक- जावक करतात शहरामध्ये तीन ते चारच पुरुषांकरिता सुस्थितीत सार्वजनिक मुतारींची सोय होती त्यामुळे नागरिकांना खुल्या जागेचा आसरा घ्यावा लागत आहे महिला वर्ग लाजून हा प्रश्न कुठेही बोलत, वाच्यता करत नसल्याने लघुशंकेची समस्या निर्माण झालेली होती तरी नगरपालिकेने तात्काळ स्टेशन रोड परिसरात, सांगोला शहरात १० महत्वाच्या व आवशक ठिकाणी महिला व पुरुषांकरिता स्वच्छतागृह उभारण्याचे, बसवण्याचे काम सुरू केले आहे याकरिता अशोक कामटे संघटनेने अशोक कामटे बहुउद्देशीय सामाजिक संघटनेने नगरपालिका प्रशासनाचे आभार व्यक्त केले आहे.
