आयोध्येतील श्री राम मंदिरात २२ जानेवारीला रामांच्या मूर्तीची प्राणप्रतिष्ठा होणार आहे हे सर्वांना माहितीच आहे. या ऐतिहासिक सोहळ्याच्या निमित्ताने अभिमंत्रित केलेल्या अक्षता इचलकरंजीत घरोघरी पोहोचविण्यात येणार आहेत.
आणि त्यासाठीच विश्व हिंदू परिषद आणि बजरंग दलाच्या वतीने उद्या म्हणजेच शुक्रवारी 22 डिसेंबरला भव्य कलश यात्रा काढण्यात येणार आहे. श्री राम मंदिरात श्रीरामांच्या मूर्तीची प्राणप्रतिष्ठा सोहळा ऐतिहासिक आणि भव्य दिव्य करण्यासाठी देशभर याचे नियोजन केले जात आहे.
त्याचाच एक भाग म्हणून अयोध्येत अभिमंत्रित केलेल्या अक्षता या सर्व देशवासीयांना वितरीत केल्या जाणार आहेत. या अक्षतांचा कलश इचलकरंजीत आला आहे. या अक्षता घरोघरी पोहोचविण्यासाठी विश्व हिंदू परिषद आणि बजरंग दलाच्या वतीने उद्या भव्य कलश यात्रा काढण्यात येणार आहे.
