आयपीएलच्या 18 व्या मोसमात आतपर्यंत मुंबई इंडियन्सची निराशाजनक कामगिरी राहिली आहे. मुंबईला 4 पैकी फक्त 1 सामनाच जिंकता आला आहे. तर मुंबईने 3 सामने गमावले आहेत. मात्र आता मुंबईची ताकद दुप्पट झाली आहे. मुंबईचा हुकमाचा एक्का अखेर परतला आहे. यॉर्कर किंग जसप्रीत बुमराह याची अनेक दिवसांच्या प्रतिक्षेनंतर मुंबई टीममध्ये एन्ट्री झाली आहे. त्यामुळे मुंबईला मोठा दिलासा मिळाला आहे. बुमराहला ऑस्ट्रेलिया दौऱ्यात दुखापत झाली होती. त्यामुळे बुमराहला आयसीसी चॅम्पियन्स ट्रॉफी 2025 स्पर्धेला मुकावं लागलं. तसेच आयपीएलमधील 4 सामन्यांतही खेळता आलं नाही. मात्र आता बुमराह परतल्याने प्रतिस्पर्धी संघातही दहशतीचं वातावरण पाहायला मिळत आहे.
मुंबई इंडियन्स टीम : रोहित शर्मा, रायन रिकेल्टन (विकेटकीपर), विल जॅक्स, सूर्यकुमार यादव, हार्दिक पांड्या (कर्णधार), तिलक वर्मा, रॉबिन मिन्झ, नमन धीर, मिचेल सँटनर, दीपक चहर, ट्रेंट बोल्ट, सत्यनारायण राजू, विघ्नेश पुथूर, राज बावा, अश्वनी कुमार, कॉर्बिन बॉश, कर्ण शर्मा, जसप्रीत बुमराह, रीस टोपले, मुजीब उर रहमान, बेव्हॉन जेकब्स, अर्जुन तेंडुलकर आणि कृष्णन श्रीजीथ.
