छत्रपती सहकारी साखर कारखान्याच्या (Chhatrapati Cooperative Sugar Factory) बहुचर्चित निवडणुकीसाठी राष्ट्रवादी काँग्रेस, शेतकरी कृती समिती यांच्या सर्वपक्षीय पॅनलचे उमेदवार जाहीर करण्यात आले आहेत. पाच एप्रिलपासून या पॅनलच्या प्रचाराचा शुभारंभ केला जाणार आहे. पाच एप्रिल रोजी उपमुख्यमंत्री अजित पवार, क्रीडामंत्री दत्तात्रय भरणे व पृथ्वीराज जाचक यांच्या उपस्थितीत या पॅनलच्या प्रचाराची सुरुवात होणार आहे.
या संदर्भात आज राष्ट्रवादीचे बारामती तालुकाध्यक्ष राजवर्धन शिंदे व ज्येष्ठ नेते किरण गुजर यांनी पत्रकार परिषद घेऊन ही यादी जाहीर केली व यावेळी छत्रपती कारखान्याच्या निवडणुकीसाठी मोठ्या संख्येने उमेदवारांचे अर्ज आले होते. या उमेदवारांना अर्ज माघारी घेण्याचे त्यांनी आवाहन केले.
यादीनुसार गट क्रमांक एक लासुर्णे या गटातून कारखान्याचे माजी अध्यक्ष पृथ्वीराज साहेबराव जाचक व शरद शिवाजी जामदार यांना उमेदवारी देण्यात आली आहे, तर गट क्रमांक दोन सणसर मधून रामचंद्र विनायक निंबाळकर व शिवाजी रामराव निंबाळकर यांना उमेदवारी देण्यात आली आहे. उद्धट गटातून पृथ्वीराज श्रीनिवास घोलप व गणपत सोपान कदम यांना उमेदवारी जाहीर करण्यात आली असून, अंथुर्णे गटातून विठ्ठल पांडुरंग शिंगाडे, प्रशांत दासा दराडे व अजित हरिश्चंद्र नरूटे यांना उमेदवारी देण्यात आली आहे.
सोनगाव गटातून अनिल सिताराम काटे, बाळासाहेब बापूराव कोळेकर व संतोष शिवाजी मासाळ यांना उमेदवारी देण्यात आली असून गुणवडी गटातून कैलास रामचंद्र गावडे, सतीश बापूराव देवकाते व निलेश दत्तात्रय टिळेकर यांना उमेदवारी देण्यात आली आहे. ब वर्ग गटातून अशोक संभाजीराव पाटील यांना उमेदवारी देण्यात आली असून, अनुसूचित जाती जमाती प्रवर्गातून मंथन बबनराव कांबळे यांना उमेदवारी देण्यात आली आहे.
महिला राखीव प्रवर्गातून माधुरी सागर राजपुरे व सुचिता सचिन सपकळ यांना उमेदवारी देण्यात आली असून इतर मागास प्रवर्गातून तानाजी ज्ञानदेव शिंदे यांना उमेदवारी देण्यात आली आहे, तर भटक्या विमुक्त जाती व जमाती विशेष मागास प्रवर्गातून डॉ. योगेश बाबासाहेब पाटील यांना उमेदवारी देण्यात आली आहे. दरम्यान छत्रपती सहकारी साखर कारखान्याच्या निवडणुकीसाठी विक्रमी संख्येने उमेदवारी अर्ज दाखल झाले असून उर्वरित उमेदवारांनी आपले अर्ज माघारी घ्यावेत असे आवाहन राजवर्धन शिंदे व किरण गुजर यांनी केले आहे.
