मुंबई: बॉलिवूडचा दबंग अभिनेता सलमान खान यानं नेहमीच सूरज पांचोली याला पाठिंबा दिला आहे. आता नुकत्याच दिलेल्या एका मुलाखतीत सूरज पांचोली यानं सलमान खान आणि त्याच्या कुटुंबाबद्दलच्या खास गोष्टी सांगितल्या आहेत.
सलमान खानच्या कुटुंबियांचा पाहुणचार नेहमीच चर्चेचा विषय ठरतो. अनेक सेलिब्रिटींनी याबद्दल सांगितलं आहे. आता सूरज पांचोली यानं सलमानच्या घरातलं वातावरण कसं असतं, याबद्दल सांगितलं आहे.
सलमान खानचा स्वभाव खूप दयाळू आहे. त्यामुळंच तो इंडस्ट्रीमध्ये त्याला मान दिला होता.इतरांना मदत करण्यासाठी तो नेहमीच तयार असतो. इतकंच नाही तर सलमान खानचं घर नेहमीच सगळ्यांसाठी खुलं असतं, असं सूरजनं म्हटलं.
त्याचं घर नेहमी उघडं असायचं, दाराला कुलूप, टाळा वापरण्याची कधी वेळच आली नाही त्यांना. जर तुम्हाला त्यांच्या घरात जेवायचं असेल तर, तुम्ही सहज जेऊ शकता. पाहुण्यांसाठीचं जेवण त्यांच्या घरात तयारच असतं. त्यांचा फ्रिज उघडून काही घ्यायचं असेल, तर तुम्हाला कोणीही थांबवत नाही. तुम्ही तिथं प्रोटीन शेक किंवा व्हिटॅमिन घेतले तरी कोणी नाही म्हणत…असंही सूरजनं सांगितलं.
सलमान खान कधीच कोणालाही परकं वाटू देत नाही, असं सूरजनं सांगितलं. अनेकवेळा तो सकाळी उठल्यावर कोणालातरी तिथं बघायचा आणि म्हणायचा, अरे, तू इथे आहेस, जेवण केलंस का? आणि मग तो कोणालाही काही न बोलता आपल्या कामाला लागतो. त्याचे घर खरंच खूप लहान आहे. पण माणूसकीनं भरलेलं आहे, असंही तो म्हणाला.
सलमान खानच्या जेवणाची सोय केवळ त्याच्यासाठीच नव्हे, तर सेटवरील सगळ्या युनिटसाठी असते, असंही सूरजनं सांगितलं. त्याच्या घरातून सेटवरील सगळ्यांसाठी जेवण येतं. तुम्ही तुमची प्लेट घेऊन ते जेवण घेऊ शकता, कुणीही तुम्हाला अडवत नाही…असंही सूरजनं सांगितलं.
सलमान खान त्याचे जिम सेटअप देखील सगळ्यांसोबत शेअर करतो. हीच गोष्ट सेटवर किंवा इतर कुठेही उभारलेल्या जिमसाठी लागू होते. कुणीही ते वापरू शकतो आणि व्यायाम करू शकतो.
सलमान खाननं 2015 मध्ये ‘हीरो’ चित्रपटातून सूरज पांचोलीला बॉलिवूडमध्ये लॉन्च केलं होतं. जिया खान आत्महत्या प्रकरणात सूरजवर आरोप होते, तरीही सलमाननं त्याला पाठिंबा दिला
