नव्या वर्षात या महिन्यात शेतकऱ्यांच्या खात्यात जमा होणार पैसे

देशात पुढील वर्षी एप्रिल-मे महिन्यात लोकसभेच्या निवडणुका होणार आहेत. निवडणुका जवळ आल्या की सरकारकडून शेतकऱ्यांच्या अपेक्षाही वाढल्या आहेत. काही रिपोर्ट्समध्ये असे म्हटले जात आहे की सरकार पीएम किसान सन्मान निधी योजनेचा हप्ता वाढवू शकते.त्याच वेळी, काही रिपोर्टनुसार, असे म्हटले आहे की योजनेचा पुढील म्हणजे 16 वा हप्ता निवडणुकीपूर्वीच शेतकऱ्यांच्या बँक खात्यात जमा होणार आहे.

पण त्यापैकी नेमकं सत्य काय आहे त्याविषयीची संपूर्ण माहिती जाणून घ्या.पीएम किसान योजनेच्या 16 व्या हप्त्याविषयी मोठी अपडेट समोर आली आहे. पीएम किसान सन्मान निधी योजनेचा 15 वा हप्ता केंद्र सरकारने यावर्षी 15 नोव्हेंबर रोजी जारी केला. हा हप्ता ऑगस्ट ते नोव्हेंबर या कालावधीसाठी होता.

आता पुढील वर्षी होणाऱ्या लोकसभा निवडणुकीपूर्वी सरकार पुन्हा शेतकऱ्यांच्या बँक खात्यात २००० रुपये जमा करू शकते असं म्हटलं जातंय.प्रधानमंत्री किसान सन्मान निधी योजनेअंतर्गत, सरकार दरवर्षी एप्रिल ते जुलै दरम्यान पहिला हप्ता, दुसरा हप्ता ऑगस्ट ते नोव्हेंबर आणि तिसरा हप्ता डिसेंबर ते मार्च दरम्यान शेतकऱ्यांच्या खात्यात जमा करते. 2023-24 या व्यावसायिक वर्षासाठी शेतकऱ्यांना आधीच दोन हप्ते मिळाले आहेत आणि आता तिसऱ्या हप्त्याची पाळी आली आहे. डिसेंबर महिना संपत आला आहे. याचा अर्थ पुढील तीन महिन्यांत म्हणजेच मार्च 2024 पूर्वी शेतकऱ्यांना 16 वा हप्ताही मिळेल.

केंद्र सरकारने आतापर्यंत 11 कोटी शेतकऱ्यांच्या खात्यात 15 हप्त्यांमध्ये 2.81 लाख कोटी रुपये जमा केल्याची माहिती आहे.पीएम किसानचा हप्ता वाढणार का? याशिवाय अशीही बातमी आहे की सरकार निवडणुकीपूर्वी पीएम किसान योजनेचा हप्ता वाढवू शकते. दरवर्षी 6000 रुपयांऐवजी 9000 रुपये शेतकऱ्यांना देण्याची घोषणा केली जाऊ शकते, असे अहवालात म्हटले जात आहे. अलीकडेच सरकारने पीएम किसान अंतर्गत मिळणारी रक्कम वाढवण्याबाबत मोठे विधान केले होते.

एका प्रश्नाला उत्तर देताना केंद्रीय कृषिमंत्री नरेंद्र सिंह तोमर म्हणाले होते की, सध्या हप्त्याची रक्कम वाढवण्याचा कोणताही प्रस्ताव नाही. सरकारने लोकसभेत याला नकार दिला होता. सरकारने 1 डिसेंबर 2018 रोजी ही योजना (PM किसान योजना) सुरू केली होती. या योजनेंतर्गत देशातील शेतकऱ्यांना शेतीशी निगडीत कामे सहज करता यावीत यासाठी आर्थिक मदत दिली जाते.

शेतकऱ्यांना पीएम किसान योजनेशी संबंधित कोणतीही समस्या असल्यास, शेतकरी pmkisan-ict@gov.in या ईमेल आयडीवर संपर्क साधू शकतात. तुम्ही पीएम किसान योजनेच्या हेल्पलाइन नंबर – 155261 किंवा 1800115526 (टोल फ्री) किंवा 011-23381092 वर संपर्क साधू शकता.