ऋषभ पंतला तिसऱ्या कसोटीत खेळत असताना गंभीर दुखापत झाली. ही दुखापत एवढी गंभीर होती की, त्याने लगेच मैदान सोडण्याचा निर्णय घेतला आणि त्यानंतर तो मैदानातत परतलाच नाही. पण आता ऋषभ पंतच्या दुखापतीबाबत एक मोठी अपडेट समोर आली आहे. ऋषभ पंत आता तिसऱ्या कसोटीत खेळू शकणार की नाही, हे आता स्पष्ट झालं आहे.
ही गोष्ट घडली ती ३४ व्या षटकात. त्यावेळी जसप्रीत बुमराह हा वेगवान गोलंदाजी करत होता. यावेळी जसप्रीत बुमराहच्या गोलंदाजीचा सामना करत होता तो इंग्लंडचा फलंदाज ऑली पोप. या षटकाच्या पहिल्या चेंडूनंतर ही गोष्ट घडल्याची पाहायला मिळाली. बुमराहने यावेळी लेग स्टम्पच्या दिशेने टाकला. बुमराह गोलंदाजी करीत असताना वेगवान चेंडू पंतच्या उजव्या करंगळीवर लागला. पंतला यावेळी दुखापत झाल्याचे कळले आणि संघाच्या डॉक्टरांनी मैदानात धाव घेतली. त्याच्या दुखावलेल्या बोटावर मैदानात उपचार करण्यात आले. पण ही दुखापत गंभीर असल्याचे पाहायला मिळाले त्यामुळे पाच चेंडूनंतर पंतने मैदान सोडले. त्याच्याऐवजी ध्रुव जुरेलने बदली यष्टीरक्षक म्हणून काम पाहिले. पंत त्यानंतर मैदानात परतलाच नाही.
ऋषभ पंतला दुखापत झालयावर तो मैदानाबाहेर गेला. त्यानंतर तो पुन्हा मैदानात आलाच नाही आणि त्यामुळेच सर्वांना त्याची चिंता वाटायला लागली. पण आता पंतच्या दुखापतीबाबत मोठी अपडेट समोर आली आहे. पंतच्या करंगळीला चेंडू लागल्यावर त्याला सूज आली होती. पण त्यानंतर पंतने विश्रांती घेतली आणि त्याने आपल्या करंगळीवर बर्फ लावला. त्यामुळे त्याच्या करंगळीवरची सूज उतरली आहे. आता त्याची दुखापत जास्त गंभीर नाही. पण त्याला किती दुखतं, हे पाहिलं जाईल. पण पंत या कसोटीला मुकणार नसल्याचे स्पष्ट झाले आहे. पंत दुसऱ्या दिवशी किंवा फलंदाजीला मैदानात येऊ शकतो, असे आता समोर आले आहे.
