आज रविवार, २० जुलै २०२५ रोजी रशियाच्या पॅसिफिक किनाऱ्याला भूकंपांनी (Earthquakes) जोरदार तडाखा दिला. या दरम्यान अनेक भूकंप झाले आणि रशीयाला त्सुनामीचा इशारा देण्यात आला. पेट्रोपाव्लोव्स्क-कामचत्स्कीजवळ ७.४ तीव्रतेचा मोठा भूकंप झाला. यूएसजीएसने त्सुनामीचा धोका वर्तवला आहे.रशियाच्या पूर्वेकडील कामचत्स्कीजवळच्या भागात ६.६ तीव्रतेचा आणखी एक भूकंप झाला. जर्मन रिसर्च सेंटर फॉर जिओसायन्सेस ने ही माहिती दिली. भूकंपाचे केंद्र जमिनीपासून फक्त १० किलोमीटर खाली होते. त्यामुळे भूकंपाचा प्रभाव जास्त जाणवला. भूकंप उथळ असल्याने मोठे नुकसान झाले नसावे. पण, लोकांना जोरदार धक्के जाणवले. पॅसिफिक त्सुनामी वॉर्निंग सेंटरने कामचत्स्कीसाठी त्सुनामीचा इशारा दिला आहे.
अमेरिकेच्या भूगर्भीय सर्वेक्षणानुसार, पेट्रोपाव्लोव्स्क-कामचत्स्की शहराच्या पूर्वेस १४४ किलोमीटर अंतरावर २० किलोमीटर खोलीवर मोठा भूकंप झाला. यानंतर हवाईसाठी त्सुनामी वॉच जारी करण्यात आला. पॅसिफिक त्सुनामी वॉर्निंग सेंटरने म्हटले आहे की, “सर्व माहितीनुसार, या भूकंपामुळे त्सुनामी निर्माण झाली असावी. ती किनाऱ्याजवळ विनाशकारी ठरू शकते. हवाईला त्सुनामीचा धोका आहे का हे तपासले जात आहे.” दुसरीकडे, पॅसिफिक महासागरात असलेला तुवालु नावाचा लहानसा देश हवामान बदलाच्या भयंकर परिणामांना सामोरा जात आहे. या देशाची सगळी लोकसंख्या पाण्याखाली जाण्याची भीती निर्माण झाली आहे. त्यामुळे जगातील पहिल्या सुनियोजित राष्ट्रीय पलायनास सुरुवात झाली आहे. १६ जूनपासून सुरु झालेल्या व्हिसा अर्जासाठी ५ हजार १५७ जणांनी धाव घेतली. या सगळ्यांनी ऑस्ट्रेलियन सरकारकडे आसरा मागितला आहे.
गेल्या ३० वर्षांत समुद्राची पाणी पातळी ६ इंच (१५ सेंटिमीटर) आहे. २०५० पर्यंत तुवालुचा निम्मा हिस्सा पाण्यात बुडालेला असेल, असा भीतीदायक अंदाज शास्त्रज्ञांनी वर्तवला आहे. २१०० पर्यंत ९० टक्के जमीन गायब झालेली असेल. वादळं, पूर यांच्यामुळे तुवालुचं मोठं नुकसान होत आहे. जमिनीची धूप होत आहे. समुद्राचं खारं पाणी गोड्या पाण्याच्या विहिरींमध्ये शिरत आहे. त्यामुळे पिण्याच्या पाण्याची समस्या निर्माण झाली आहे. शेती संकटात सापडली आहे. शेती वाचवण्यासाठी प्रयत्न सुरु आहेत. पण निसर्गापुढे अगदीच किरकोळ ठरत आहेत.
