क्रिकेट विश्वासाठी आता सर्वात मोठी बातमी आली आहे. कारण भारताचे महान क्रिकेटपटू राहुल द्रविड यांनी आता आयपीएलमधील राजस्थान रॉयल्स या संघाची साथ सोडली आहे. यापूर्वी राहुल द्रविड या संघात खेळाडू म्हणून खेळले होते. त्यानंतर काही काळ त्यांनी प्रशिक्षकपदही भूषवले, पण आता पुढच्या आयपीएलच्यावेळी ते राजस्थानच्या संघाचे प्रशिक्षक नसतील. कारण राहुल द्रविड यांनी आता राजस्थान रॉयल्सला सोडण्याचा निर्णय घेतला आहे.
राहुल द्रविड यांनी राजस्थानच्या संघाला एक वेगळा आयाम मिळवून दिला होता. द्रविड यांनी राजस्थानची प्रशिक्षकपद भूषवताना कसलीही पर्वा केली नाही. द्रविड यांच्या पायाला जबर मार बसला होता द्रविड यांना चालताही येत नव्हतं, पण तरीही द्रविड हे कुबड्या घेऊन गेल्यावर्षी मैदानात आल्याचं सर्वांनीच पाहिलं. त्यावेळी राजस्थानच्या संघावर त्यांचं किती प्रेम आहे, हे सर्वांनाच समजलं होतं. पण त्यानंतर राजस्थानच्या संघाने एक मोठा बदल करायचा ठरवलं होतं. पण हा निर्णय द्रविड यांना मान्य नसल्याचं आता म्हटलं जात आहे. पण द्रविड यांनी एका खेळाडूबरोबर झालेल्या वादामुळे राजस्थानच्या संघाचे प्रशिक्षकपद सोडले असल्याचे म्हटले जात आहे. कारण त्यामुळे संघातील वातावरण चांगलं नव्हतं आणि द्रविड यांनाही मुख्य प्रशिक्षकपदावर ठेवण्यात येणार नव्हतं. त्यामुळे द्रविड यांना स्वत:हून बाहेर पडण्याचा निर्णय घेतल्याचे आता समोर येत आहे. पण राजस्थान रॉयल्स संघाचे सोशल मीडियावर एक पत्रक जाहीर केले आहे.
राजस्थान रॉयल्सच्या फ्रँचायझीने सोशल मीडियावर एक अधिकृत निवेदन पोस्ट केले आहे, ज्यामध्ये सांगितले आहे की, व्यापक संरचनात्मक पुनरावलोकनाच्या वेळी द्रविडला पदाची ऑफर दिलेली होती, पण द्रविड यांनी ती ऑफर आता नाकारली आहे.
राहुल द्रविड यांनी राजस्थानच्या संघाचे प्रशिक्षक भूषवले खरे, पण गेल्या वर्षात संघात बऱ्याच गोष्टी अशा घडल्या की, त्यामुळे त्यांना विजयही मिळवता आले नाहीत. संघातील वातावरण चांगले नव्हते आणि त्यामुळेच द्रविड यांनी हा राजीनामा दिला असावा, काही जणांना वाटते. पण खरी गोष्ट काही वेगळीच आहे, असेही म्हटले जात आहे.
