Apple आयफोनची संपूर्ण जगात क्रेझ आहे. जगभरात या फोनचे युजर्स आहेत. अशातच आता या आयफोन 18 बाबत महत्त्वाची माहिती लीक झाली आहे. आगामी iPhone 18 Pro आणि iPhone 18 Pro Max मध्ये काय नवीन बदल पहायला मिळणार याबाबत सर्वांना उत्सुकता लागलेला आहे. समोर आलेल्या माहितीनुसार आगामी फोनमध्ये कंपनी मोठ्या डिझाइन बदल करण्यापेक्षा परफॉर्मन्स आणि कॅमेरा क्वालिटीवर अधिक लक्ष देणार असल्याचे समोर आले आहे. त्यामुळे आगामी आयफोन सिरीज अधिक शक्तिशाली असण्याची शक्यता आहे. या फोनमध्ये काय फीचर्स असू शकतात आणि त्याची किंमत किती असू शकते याची माहिती जाणून घेऊयात.
डिस्प्ले आणि डिझाइन कशी असेल?
लीक्समधील माहितीनुसार, iPhone 18 Pro मध्ये 120Hz रिफ्रेश रेटसाठी सपोर्टसह 6.3-इंचाचा OLED डिस्प्ले मिळण्याची शक्यता आहे. तर iPhone 18 Pro Max मध्ये मोठा 6.9-इंचाचा OLED पॅनेल असू शकतो. दोन्ही मॉडेल्ससाठी हाय ब्राइटनेस सुमारे 3000 nits पर्यंत असू शकतो. मात्र डिझाईनमध्ये फार मोठे बदल असण्याची शक्यता नाही. मात्र तरीही डिझाईनची क्वालिटी आणखी सुधारण्यावर कंपनीचा भर असण्याची शक्यता आहे.
परफॉर्मन्स आणि स्टोरेजमध्ये अपग्रेड
आयफोन 18 प्रो सिरीजमध्ये A20 Pro चिपसेट असण्याची अपेक्षा आहे. ही चिप केवळ रॉ पॉवरवरच नव्हे तर अपडेटेड परफॉर्मन्साठी देखील महत्त्वाची ठरण्याची शक्यता आहे. लीकनुसार दोन्ही फोनमध्ये 12 जीबी पर्यंत रॅम आणि 1 टीबी स्टोरेज पर्याय मिळण्याची शक्यता आहे. रॅममध्ये देखील अपग्रेड मिळण्याची शक्यता आहे. असे झाल्यास मल्टीटास्किंग आणि हाय-एंड गेमिंग पूर्वीपेक्षा खूपच स्मूथ होऊ शकते.
कॅमेऱ्यामध्ये काय बदल असणार?
आगामी आयफोन सिरीजमध्ये अॅपल मोठ्या हार्डवेअर बदलांऐवजी इमेज प्रोसेसिंग क्वालिटीवर लक्ष केंद्रित करण्याची शक्यता आहे. अहवालांनुसार प्रो मॉडेलमध्ये अपडेटेड झूम फीचर्ससह 48 एमपीचा प्रायमली कॅमेरा असेल. सेल्फी आणि व्हिडिओ कॉलसाठी 18 एमपीचा फ्रंट कॅमेरा मिळू शकतो. कंपनी सॉफ्टवेअर ट्यूनिंगद्वारे फोटोची गुणवत्ता आणखी सुधारण्याच्या धोरणावर काम करत असल्याचे समोर आले आहे.
लाँच तारीख आणि किंमत
समोर आलेल्या माहितीनुसार आयफोन 18 प्रो सिरीज 3 ते 9 सप्टेंबर 2026 दरम्यान लाँच होण्याची शक्यता आहे. यावेळी कॉफी ब्राउन, Burgundy आणि डीप पर्पल सारखे नवीन रंग पर्याय मिळण्याची शक्यता आहे. भारतात आयफोन 18 प्रोची किंमत सुमारे 1,39,900 पासून सुरू होण्याची शक्यता आहे. तर प्रो मॅक्सची किंमत सुमारे 1,59,900 रुपयांपासून सुरू होण्याची शक्यता आहे. मात्र कंपनीने याबाबत अद्याप अधिकृत घोषणा केलेली नाही. त्यामुळे किंमत कमी किंवा जास्त होण्याची शक्यता आहे.
