मकरसंक्रांत हा सण खूपच उत्साहाने साजरा केला जातो. रथसप्तमी पर्यंत वाण देण्याचा कार्यक्रम चालतो.
मकरसंक्रांतीचे औचित्य साधून महिलांचे एकमेकींशी हितगुज व्हावे, एकमेकींना भेटता यावे व नवनवीन कल्पना, विचारांची देवाण-घेवाण व्हावी यासाठी दै. पुढारीच्या कस्तुरी क्लब, वशीकर सराफ व माहेर फॉर्मिंग ज्वेलर्स यांच्या संयुक्त विद्यमाने मंगळवार दि. ३० जानेवारी रोजी राजारामबापू नाट्यगृह, इस्लामपूरमध्ये कस्तुरी सदस्यांसाठी हळदी-कुंकू व खेळ पैठणीचा कार्यक्रमाचे आयोजन करण्यात आले आहे.
स्त्री ची स्मार्ट मैत्रीण दै. पुढारी कस्तुरी क्लब महिलांचे मनोरंजन व्हावे, महिलांना आनंद मिळावा यासाठी नेहमीच नवनवीन कार्यक्रमांचे आयोजन करत असते. दि. ३० जानेवारी रोजी दु. १ वाजता हळदी- कुंकू, तीळगूळ व वाण वाटप होणार आहे. महिलांच्या मनोरंजनासाठी या कार्यक्रमांमध्ये भरपूर स्पॉट गेम्स घेण्यात येणार आहेत. महिलांना यावेळी भरपूर गिफ्ट्स जिंकण्याची संधी उपलब्ध होणार आहे.
प्रथम विजेत्या महिलेला पैठणी, तर दोन महिलांना साड्या दिल्या जाणार आहेत. कार्यक्रमात सर्व महिलांना माहेर फॉर्मिंग ज्वेलर्सकडून आकर्षक वाण देण्यात येणार आहे. प्रथम येणाऱ्या ७०० महिलांना वाण मिळणार आहे. कार्यक्रम वेळेत सुरू होणार असून महिलांनी २०२३- २०२४ चे ओळखपत्र आणणे आवश्यक आहे.
