तब्बल 500 वर्षांनंतर अयोध्या याठिकाणी प्रभू राम यांची प्राणप्रतिष्ठा करण्यात आली. 22 जानेवारी 2024 रोजी मोठ्या थाटात आणि उत्साहात प्रभू राम यांची प्राणप्रतिष्ठा करण्यात आली. अयोध्येत प्रभू राम यांचं मंदिर झाल्यानंतर दररोज लाखे भक्त प्रभू राम यांचे दर्शन घेण्यासाठी रामनगरीत दाखल होतात. आतापर्यंत असंख्या लोकांनी रंगेत उभं राहून प्रभू राम यांचे दर्शन घेतले आहेत. मिळालेल्या माहितीनुसार, एका दिवसाला तब्बल 3 लाखांपेक्षा अधिक भक्त रामनगरीत दाखल होतात. प्रभू राम यांचं दर्शन झाल्यानंतर भरभरुन दान देखील करतात. राम मंदिर आता कुबेराचा खजाना बनला आहे… असं म्हणायला हरकत नाही.
राम मंदिर ट्रस्टचे डॉक्टर अनिल मिश्रा यांनी दिलेल्या माहितीनुसार, एका दिवसाला तब्बल 3 लाखांपेक्षा अधिक भक्त प्रभू राम यांचे दर्शन घेण्यासाठी येत असतात. एवढंच नाही तर, तीन फेब्रुवारी पर्यंत जवळपास 28 लाख भक्तांनी प्रभू राम यांचं दर्शन घेतलं आहे. शिवाय दान पेटीत जमा झालेली रक्कम देखील फार मोठी आहे.
प्रभू राम मंदिर यांच्या दान पेटीत भक्त रोकड, चेकच्या माध्यमातून दान करतात. भाविकांची वाढती संख्या पाहाता राम मंदिर ट्रस्ट त्यांना विशेष सुविधा देण्याचा प्रयत्न करत आहे. रामललांचे दर्शन घेण्यासाठी जेवढा वेळ भाविक रांगेत उभे असतात, तेवढाच वेळ आपल्या कमाईतील काही भाग मंदिरात दान करण्यासाठीही घेत आहेत. असा दावा राम मंदिर ट्रस्टचे सदस्य करत आहेत.
सूत्रांनी दिलेल्या माहितीनुसार राम मंदिरात गेल्या 11 दिवसांत 20 कोटी रुपये दान आलं आहे. केवळ रक्कम आणि रोख रकमेतूनच नाही तर मौल्यवान धातूही रामलालला दान केले जात आहेत. श्री रामजन्मभूमी तीर्थ क्षेत्र ट्रस्टचे कार्यालय प्रभारी प्रकाश गुप्ता यांनी सांगितले की, प्रभू राम विराजमान झाल्यापासून सुमारे 28 लाख राम भक्तांनी पूजा केली आहे.
सांगायचं झालं तर, प्रभू राम यांच्या गर्भगृहासमोर मोठ्या आकाराच्या चार दान पेट्या आहेत. ज्यामध्ये भक्त दान करतात. दान पेट्या दिवसातून दोन वेळा रिकाम्या केल्या जातात. आलेले दान मोजण्यासाठी 11 कर्मचारी कार्यरत आहेत. बँक कर्मचारी आणि मंदिर ट्रस्टच्या तीन कर्मचाऱ्यांचा देखील यात समावेश आहे.
