दाक्षिणात्य सुपरस्टार ज्युनियर एनटीआर सध्या त्याच्या आगामी देवरा’ या सिनेमामुळे चर्चेत आहे. या सिनेमाची चाहत्यांमध्ये चांगलीच क्रेझ आहे. ‘देवरा’ या सिनेमातील जान्हवी कपूरचा फर्स्ट लूक आऊट झाला आहे. अभिनेत्रीच्या वाढदिवशी निर्मात्यांनी तिला पोस्टर शेअर करत खास भेट दिली आहे.
जान्हवी कपूरच्या वाढदिवशी निर्मात्यांनी तिला खास भेट दिली आहे. जान्हवीच्या आगामी सिनेमाचं फर्स्ट लूक पोस्टर निर्मात्यांनी आऊट केलं आहे. पोस्टर आऊट करत निर्मात्यांनी लिहिलं आहे,”आमची थंगम जान्हवी कपूरला वाढदिवसाच्या खूप-खूप शुभेच्छा”.
बॉलिवूड अभिनेत्री जान्हवी कपूरचा मोठा चाहतावर्ग आहे. एकीकडे चाहते तिला वाढदिवसाच्या शुभेच्छा देत आहेत. तर दुसरीकडे काही चाहते तिच्या आगामी सिनेमाची प्रतीक्षा करत आहेत. ‘देवरा’तील जान्हवीचं फर्स्ट लूक पोस्टर आऊट झाल्याने चाहत्यांची सिनेमाबाबतची उत्सुकता आणखी वाढली आहे. ‘देवरा’ ब्लॉकबस्टर होणार असल्याचं म्हटलं जात आहे. तर काही चाहते जान्हवी आणि ज्युनियर एनटीआरला एकत्र पाहण्यासाठी उत्सुक आहेत.
