वाळवा तालुक्यातील रेठरे धरण येथील म्हसोबा मंदिराजवळील मैदानावर रयत क्रांती अमोल पाटील दादा युवाशक्ती तर्फे देवेंद्र फडणवीस केसरी भव्य बैलगाडी शर्यतीचे आयोजन केलेले होते. या शर्यतीचे उद्घाटन माजी कृषी राज्यमंत्री सदाभाऊ खोत, सागर खोत, रयत क्रांती संघटनेचे वाळवा तालुकाध्यक्ष अमोल पाटील यांच्या हस्ते करण्यात आले.
रेठरे धरण येथे रयत क्रांती संघटना पुरस्कृत देवेंद्र फडणवीस केसरी भव्य बैलगाडी शर्यतीमध्ये प्रथम क्रमांकाचे साडेतीन लाखांचे इनाम मुळशीकरांच्या बकासुर व शिरसवडीकरांच्या रायफल या बैलजोडीने मिळवले.
अमोल पाटील यांनी हे बक्षीस पुरस्कृत केले होते. मैदानासाठी 181 बैलगाड्यांची नोंद झाली. अतिशय थरारक लढती पाहायला मिळाल्या.
