आटपाडी येथील संतोष विठ्ठल मगर यांनी वसंत मारुती नसले (रा. माडगुळे) यांना डाळिंब दिले होते. त्या डाळिंब खरेदीपोटी नवले यांनी मगर यांना धनादेश दिला होता. मात्र तो न वठल्याने त्यांच्याविरुद्ध केस दाखल केलेली होती. याबाबत शेतकऱ्याने व्यापाऱ्याकडे तगादा लावूनही पैसे मिळत नसल्याने अखेर न्यायालयात केस दाखल केली होती.
याप्रकरणी न्यायाधीश विनायक पाटील यांनी आरोपीस तीन महिने तुरुंगवास व २ लाख ३७ हजार ८०० रुपये दंडाची शिक्षा सुनावली आहे, अशी माहिती अॅड. चेतन जाधव यांनी दिली. न्यायालयाने फिर्यादी व आरोपी यांचे सर्व पुरावे पाहून यातील आरोपी वसंत मारुती नसले याला तीन महिने तुरुंगवास व २ लाख ३७ हजार ८०० रुपये दंडाची शिक्षा सुनावली. दंडाची रक्कम न भरल्यास पुन्हा १५ दिवस साध्या कैदेची शिक्षा सुनावली. फिर्यादीतर्फे अॅड. चेतन व्ही. जाधव यांनी काम पाहिले.
