लोकसभेच्या रिंगणात इस्लामपूर विधानसभा मतदारसंघात आमदार जयंत पाटील कोणाच्या बाजूने, यावर मतांचे गणित ठरणार आहे.
माजी खासदार राजू शेट्टी यांचा पंधरा वर्षांपासून संपर्क असून, त्यांचा मतदारसंघात राबता आहे. खासदार धैर्यशील माने यांना स्थानिक पातळीवरील जयंत पाटील यांच्या पारंपरिक विरोधकांना हाताशी धरून वाटचाल करावी लागेल.लोकसभेला ऊसदराच्या मुद्द्यावर मतदान करणारा मतदारसंघ आहे. येथे जयंत पाटील यांचे मोठे प्राबल्य आहे. शेट्टींचे बोटावर मोजण्याइतपतच उघड कार्यकर्ते आहेत. तरीही शेट्टींना या मतदारसंघात प्रत्येक निवडणुकीत विरोधी उमेदवारापेक्षा जादा मतदान झाले आहे. या मतदारसंघात विधानसभेला जयंत पाटील व लोकसभेला शेतकऱ्यांच्या प्रश्नावर लढणाऱ्याला कौल व्यक्त केला जातो, असे चित्र राहिले आहे.
