सात मे रोजी लोकशाहीचा उत्सव पार पडत आहे आणि या उत्सवांमध्ये सर्वांनी सहभागी व्हावे यासाठी स्वीप मोहिमेंतर्गत मतदानाचा टक्का वाढविण्यासाठी प्रशासन कसोशीने प्रयत्न करीत आहे. या प्रयत्नाचे फलित म्हणूनच सांगली जिल्ह्यात ठिकठिकाणी वेगवेगळ्या उपक्रमांचे आयोजन देखील करण्यात आलेले आहे.
या मोहिमेचा उद्देश मतदानाची टक्केवारी वाढावी असा असून या उपक्रमांतर्गत जिल्ह्यातील सर्व तालुक्यांसह सांगली शहरांमध्ये दिनांक 27 मार्च म्हणजेच बुधवारच्या दिवशी सकाळी सात वाजता सायकल रॅलीचे आयोजन करण्यात आलेले आहे. या रॅलीला विश्रामबाग येथून प्रारंभ होणार असून कर्मवीर भाऊराव पाटील चौक, राम मंदिर या ठिकाणावरून मार्गक्रमण करत भारतरत्न डॉ. बाबासाहेब आंबेडकर स्टेडियम येथे या रॅलीची सांगता होणार आहे. या रॅलीला प्रशासनातील सर्व प्रमुख अधिकारी उपस्थित राहणार आहेत. तसेच अठरा वर्षांपुढील सर्वांनी या सायकल रॅलीत सहभागी व्हायचे आहे.
