राज्यात उष्णतेची लाट तीव्र झाली आहे. बहुतांश शहरांचे कमाल तापमान 39 ते 42 अंशांवर गेले आहे. आगामी 72 तास अवस्थ करणारे वातावरण राहील, असा अंदाज हवामान विभागाने दिला आहे.तसेच, 5 ते 7 एप्रिलदरम्यान पावसाचाही अंदाज आहे. राज्यातील बहुतांश भागाचे कमाल तापमान गुरुवारी 40 अंंशांवर गेले.
विदर्भातील ब्रह्मपुरी गावचा पारा गुरुवारी राज्यात सर्वाधिक 42.3 अंशांवर गेला होता. दरम्यान, राज्यात 5 ते 7 एप्रिलदरम्यान पावसाचा अंदाज देण्यात आल्याने आगामी 72 तास उष्ण व दमट वातावरण राहणार आहे. हे वातावरण अस्वस्थ करणारे आहे. त्यामुळे काळजी घ्या, असा इशारा हवामान विभागाने दिला आहे.
