हातकलंगले लोकसभा मतदारसंघांमध्ये होणाऱ्या लढतीचे चित्र हे स्पष्ट झालेले आहे. मात्र इचलकरंजी विधानसभा क्षेत्रात निर्णायक मतांचा आकडा असणाऱ्या आवाडे गटाकडून अद्याप कोणतीही भूमिका जाहीर करण्यात आलेली नाही. त्यामुळे इचलकरंजी तसेच परिसरात असणाऱ्या आवाडे समर्थकांमध्ये चलबिचलता निर्माण झाली आहे.
आवाडे कोणता निर्णय घेतात याची उत्सुकता प्रत्येकाला लागून राहिलेली आहे. कार्यकर्ते हे गेल्या दोन दिवसांपासून आवाडे यांच्याशी संपर्क साधण्याचा प्रयत्न करीत आहेत परंतु दोन दिवस थांबा पूर्ण चित्र स्पष्ट होईल असे सांगितले जात असल्याचे समजते.
