सांगोला येथील राष्ट्रवादी भवन येथे अॅड. महादेव कांबळे यांनी भारतीय राष्ट्रीय काँग्रेस पक्षातून राष्ट्रवादी काँग्रेस पक्षामध्ये मा. आम. सोलापूर जिल्हा राष्ट्रवादी काँग्रेस पक्षाचे अध्यक्ष दिपकआबा साळुंखे-पाटील यांचेहस्ते सांगोला येथे प्रवेश केला. अॅड. कांबळे हे प्रभावी वक्ते म्हणून परिचित आहेत. त्यांचे उत्कृष्ट संघटन कौशल्य असून त्यांनी यापूर्वी काँग्रेस मध्ये सांस्कृतिक विभागाचे प्रदेश उपाध्यक्ष व सोलापूर जिल्हा काँग्रेस कमिटीचे कार्यकारिणी सदस्य म्हणून काम केले आहे.
यावेळी जिल्हा अध्यक्ष दिपकआबा साळुंखे-पाटील पाटील शुभेच्छा देताना म्हणाले, की ड. महादेव कांबळे चळवळीचे नेते आहेत. त्यांच्या पक्ष प्रवेशाने सोलापूर जिल्ह्यातील राष्ट्रवादी पक्षाची ताकद वाढणार आहे. त्यांना लवकरच जिल्ह्याची महत्वाची जबाबदारी देण्यात येणार आहे. यावेळी अॅड. कांबळे यांनी पक्ष संघटन वाढविण्यास प्रयत्न करणार असल्याचे सांगितले.
या पक्ष प्रवेशावेळी माजी आमदार दीपकआबा साळुंखे-पाटील, राष्ट्रवादी काँग्रेस पक्षाचे सांगोला शहर अध्यक्ष तानाजी काका पाटील, डॉ. पियुषदादा साळुंखे-पाटील, सुजाता कांबळे, राष्ट्रवादी महिला काँग्रेसच्या अध्यक्षा सखुबाई वाघमारे, सतिश सावंत, बिरा गेजगे, योगेश खटकाळे, चंचल बनसोडे, शहाजी हातेकर, बाळासाहेब भोसले, विनोद रणदिवे, अनिल दिघे, अजित गोडसे, प्रा. दत्तात्रय वाघमारे, सुभाष काटे, अशोक माने, परशुराम साळुंखे, प्रभाकर फाळके, प्रा. समाधान कांबळे, गोरख कांबळे, सचिन वाघमारे, भारतरत्न वाघमारे आदी संतोष साठे इत्यादी मान्यवर उपस्थित होते. अॅड. कांबळे यांचे या सर्व पदाधिकारी यांनी राष्ट्रवादी काँग्रेस पक्षात स्वागत करून व त्यांना पुढील वाटचालीस शुभेच्छा दिल्या.
