सांगोला तालुक्यात अलीकडे अवकाळी पाऊस हजेरी लावत आहे. काल सोमवारी देखील अवकाळी पाऊस झाला. सांगोला तालुक्यातील अनेक भागात सोमवारी विजांच्या कडकडासह अवकाळी पावसाने जोरदार हजेरी लावली. लिगाडे वाडी येथे विज पडून एक म्हैस तर सोनलवाडी येथे कडब्यावर विज पडून नुकसान झाले आहे.
सांगोला तालुक्यात गेली आठवडाभर अवकाळी पाऊस हजेरी लावत आहे. वाऱ्यामुळे घरांचे नुकसान तसेच विज पडून जनावरे
दगावण्याच्या घटना घडल्या. त्यामुळे शेतकरी हवालदिल झाला आहे. सोमवारी सायंकाळीही पावसाने हजेरी लावल्याने शहरात मोठ्या प्रमाणात पाणी साचले होते.
