सध्या लोकसभा निवडणुकीच्या धामधुमीत प्रत्येक पक्ष जोरदार तयारीला लागलेला आहे. सभा, मेळावे गावोगावी घेण्याचे काम युद्धपातळीवर सुरु आहेत. महाविकास आघाडीचे नेते व राष्ट्रवादीचे प्रदेशाध्यक्ष आ जयंत पाटील यांनी गत पांच वर्षात वाळव्यात असंख्य विकास कामे केली आहेत. विरोधी उमेदवारांचे कोणतेच विकासाचे व्हीजन नाही त्यामुळे हातकणंगले लोकसभा उम दवार सत्यजीत पाटील (आबा) यांना वाळव्यातून मोठे मताधिक्य देऊ, असे प्रतिपादन राजेंद्रभाऊ पाटील यांनी केले.
हातकणंगले लोकसभा मतदार संघातील मविआ उमेदवार सत्यजीत पाटील (आबा) यांच्या प्रचारानिमित्त आयोजीत कार्यकर्त्याच्या बैठकीत त्यांनी कार्यकर्त्यांशी संवाद साधला. मविआ तर्फे निवडणूक लढवणारे सत्यजीत आबा हे व्यक्तीमत्व हरहुन्नर असून आघाडीतील शिवसेना (उबाठा ) पक्षाकडून मशाल या चिन्हावर ते निवडणूक लढवत आहेत. त्यांचे मशाल चिन्ह प्रत्येक मतदारा पर्यंत पोचवा.
विरोधी उमेदवारानी वाळव्याच्या विकासासाठी काहीच तत्परता दाखवलेली नाही, उलट सत्ता असो वा नसो आ. जयंत पाटील यांनी आणले ली विकास कामे मतदारांपर्यंत स्पष्ट मांडा. वाळव्याचा मतदार सूज्ञ आहे, तो विरोधकांच्या भूलथापाना दाद देणार नाही. असे विचार त्यांनी कार्यकर्त्यां समोर व्यक्त केले.
