इचलकरंजीत अनेक नवनवीन उपक्रम राबविले जातात. या उपक्रमांना चांगला प्रतिसाद देखील मिळतो. इचलकरंजी टेनिस बॉल क्रिकेट असोसिएशन आयोजित पार इचलकरंजी प्रीमियर लीग स्पर्धेचे उद्घाटन १२ मे रोजी सायंकाळी ७.०० वाजता मुख्य प्रायोजक श्री. अजित पोवार ( राम सोसायटी फर्निचर) व श्री. समीरसिंग साळवे ( पोलीस उपनिरीक्षक, इचलकरंजी) यांच्या हस्ते करण्यात आले. इचलकरंजीतील सर्व खेळाडूंना राडे, प्रोत्साहन देण्यासाठी, युवकांना एकत्र आणण्यासाठी तसेच समाजातील क्रिकेटप्रेमींना यानी स्पर्धेचा आनंद घेण्यासाठी या प्रीमियर लीगचे आयोजन १२ ते १९ मे २०२४ रोजी जिमण्याशियम मैदान इचलकरंजी येथे केले आहे.
यावेळी पोलीस निरीक्षक सचिन सूर्यवंशी, प्रविण खानापुरे, राजू पाटील व उद्योजक जितेंद्रकुमार चोप्रा, गौतमजी वडेरा, इचलकरंजी टेनिस बॉल क्रिकेट असोसिएशनचे सर्व संचालक, व सर्व खेळाडू उपस्थित होते. या स्पर्धेसाठी युट्यूब लाईव्ह, लाईव्ह स्कोअरिंग, भव्य गॅलरी, थर्ड अंपायर तसेच विशेष म्हणजे स्पर्धेचे डे नाईट नियोजन केले आहे. तरी सर्व क्रिकेटप्रेमींनी मोठ्या प्रमाणात याचा आनंद घ्यावा असे आवाहन इचलकरंजी टेनिस बॉल क्रिकेट असोसिएशन चे अध्यक्ष उदय धातुंडे व इचलकरंजी प्रीमियर लीगचे अध्यक्ष राजू आंबी यांनी केले आहे.
