इचलकरंजी महानगरपालिकेचे नगरसेवक नितीन जांभळे यांचे आकस्मिक निधन झाल्याने शहरातून हळहळ व्यक्त केली जात आहे. राष्ट्रवादी काँग्रेस पार्टीचे जिल्हा शहराध्यक्ष नितीन जांभळे हे काम पाहात होते. त्यांनी पक्षाच्या माध्यमातून युवा कार्यकर्त्यांचे मोठे जाळे विणले होते. शहरात जांभळे गटाचे वर्चस्व आहे. मात्र, त्यांचे काही दिवसांपूर्वी आकस्मीक निधन झाले.
माजी नगरसेवक नितीन जांभळे यांच्या निधनामुळे रिक्त झालेल्या राष्ट्रवादी काँग्रेस पार्टी (शरद पवार गट) कोल्हापूर जिल्हा शहराध्यक्ष पदावर नितीन जांभळे यांचे बंधू सुहास अशोकराव जांभळे यांची नियुक्ती करावी अशी मागणी शहरातील राष्ट्रवादी काँग्रेस पार्टीच्या नेतेमंडळीनी पक्षाचे प्रदेशाध्यक्ष जयंत पाटील यांचेकडे केली आहे.
त्यामुळे येत्या काही दिवसात सुहास जांभळे यांची वर्णी लागण्याची शक्यता वर्तविण्यात येत आहे. रिक्त झालेल्या त्यांच्या जागी त्यांचे बंधू सुहास अशोकराव जांभळे यांची वर्णी लागावी प्रदेशाध्यक्ष जयंत पाटील यांच्याकडे शिफारस करण्यात आले आहे. सुहास जांभळे हे सुध्दा युवा वर्गामध्ये सक्रीय सहभाग असतात. त्यांचा जनमाणसामध्ये संपर्क आहे. वडील माजी आमदार अशोकराव जांभळे यांचा ही राजकीय वारसा त्यांना लाभला आहे. त्यामुळे सुहास जांभळे यांना संधी दिल्यास निश्चितच पक्षाला फायदा होईल असे कार्यकर्त्यातून बोलले जात आहे.
