विधानसभा निवडणुकीचे वारे गतीने वाहू लागले असताना नवे चेहरेही या आखाड्यात उतरताना दिसत आहेत. कोल्हापूर जिल्ह्यातील दोन मतदारसंघात नव्या पिढीचे निवडणूक लढविण्याचे स्वप्न वडिलांच्या इशाऱ्यावर अवलंबून असेल. इचलकरंजीत माजी खासदार कल्लाप्पाण्णा आवाडे यांचे नातू , माजी जिल्हा परिषद सदस्य राहुल आवाडे यांनी विधानसभेची तयारी चालवली आहे.
त्यांचे वडील माजी मंत्री, आमदार प्रकाश आवाडे हे पुन्हा निवडणूक लढवण्याबाबत कोणती भूमिका घेतील यावर त्यांचा राजकीय प्रवास पुढे अवलंबून राहील. कागल मध्ये ठाकरे सेनेकडून पुन्हा एकदा माजी आमदार संजयसिंह घाटगे यांना उमेदवारी मिळण्याची दाट शक्यता आहे.
