कोल्हापूर जिल्ह्यात विविध पक्ष, संघटनांकडून त्यांच्या विविध मागण्यांकरिता आंदोलन, उपोषण, मोर्चा आदी आंदोलने करण्यात येत आहेत. यावेळी कायदा व सुव्यवस्था राखण्यासाठी आज रविवार ३० तारखेपासून १४ जुलैपर्यंत बंदी आदेश लागू राहील, असे आदेश अपर जिल्हादंडाधिकारी संजय तेली यांनी दिले.
ज्या सरकारी अधिकारी, कर्मचारी यांना त्यांची कर्तव्य, अधिकार बजाविण्यासंदर्भात कामकाज करताना उपनिर्दिष्ट वस्तू हाताळाव्या लागतात आणि एकत्र जमावे लागते, अशा व्यक्तींना हा आदेश लागू राहणार नाही. तसेच पोलिस अधीक्षक, उपविभागीय पोलिस अधिकारी, पोलिस निरीक्षक किंवा सक्षम प्राधिकारी यांची परवानगी घेतलेली आहे,
अशा व्यक्तींना, तसेच सर्व जातीधर्माचे सण, उत्सव, जयंती, यात्रा आदी शांततामय मार्गाने साजरे करण्याकरिता जमा होणारा जनसमुदाय यांना, लग्न, इतर धार्मिक समारंभ, सण, यात्रा, अंत्ययात्रा यांना हा आदेश लागू नाही.
