शिवप्रेमी चौकात छत्रपती शिवाजी महाराजांचा पुतळा बसवण्यासाठी शिवप्रेमींची मागणी बऱ्याच दिवसापासून प्रलंबित होती. दोन वर्षांपूर्वी पुतळा पुण्याहून आणून एमआयडीसीत ठेवला होता.अखेर शिवप्रेमींच्या मागणीखातर शहरातील शिवभक्तांनी एकत्र येऊन मंगळवारी रात्री उशिरा चिबुतऱ्यावर पुतळा बसवला.
छत्रपती शिवाजी महाराजांचा अश्वारूढ पुतळा बसवण्यासाठी गेल्या वर्षभरापासून प्रशासनाकडे पाठपुरावा करूनही परवानगी न मिळाल्यामुळे गेल्या वर्षभरापासून झाकून ठेवलेला महाराजांचा अश्वारूढ पुतळा अखेर ६५० ते ७०० शिवभक्तानी शिवप्रेमी चौकातील विराजमान केला.
शिवभक्तांनी पुतळा समिती स्थापून लोक वर्गणी काढत गतवर्षी पुतळा आणला होता. सर्व विभागाचे ना हरकत कागदपत्र देऊन अंतिम मंजुरीसाठी रीतसरपणे परवानगी मागितली असताना जिल्हाधिकारी कार्यालयाकडून याबाबत परवानगी मिळालेली नाही.कंपाउंड झाल्यानंतर पुतळा बसणे अडचणीचे होणार असल्यामुळे शिवभक्तांनी एकत्र येऊन पुतळा बसवला. पुतळा झाकून ठेवलेली आहे. जिल्हाधिकाऱ्यांच्या मंजुरीनंतर पुतळ्याचे अनावरण होणार आहे.
