सांगोला तालुक्यातील मौजे डिकसळ गावचे शिवारात शिवनेरी हॉटेल समोर डिकसळ पाटी येथुन भारत काकासो म्हारनूर रा. हाबीसेवाडी ता. सांगोला यांची ३५ हजार रुपये किमतीची एका हिरो स्पेल्डर मो. सायकल बिगर नंबर दुचाकी ही कोणीतरी अज्ञात चोरटयाने चोरून नेले बाबत सांगोला पोलीस स्टेशनला अज्ञात चोरट्याविरुध्द गुन्हा दाखल करण्यात आलेला होता.
सदर गुन्हयाचा तपास हा पो.हे.कॉ संजय भानवसे हे करत होते त्यांना तपासात मदत पो.हे.कॉ बजरंग बोराटे, पो.ना अंकुश नलवडे, पो.कॉ निशांत सावजी हे करत होते.
दरम्यान दि. ३१ जुलै रोजी रात्री कडलास येथील पेट्रोल पंपावर दोन अल्वयीन मुले मोटर सायकलसह मिळुन आल्याने तेथील कर्मचारी यांच्या मदतीने त्यांना ताब्यात घेण्यात आले असता सदर मुलाकडे असलेले म ोटरसायकल बाबत त्याचे कडे तपास केला असता सदरची मोटर सायकल चोरीची असल्याचे त्यांनी कबुल केले. त्यानंतर त्याचे कडे अधीक विश्वासात घेवुन तपास केला असता त्यांनी मोटर सायकल चोरी करून त्या आरोपी आकाश शशिकांत हातेकर रा. घेरडी ता. सांगोला यास विक्री केले बाबत सांगीतल्याने आकाश हातेकर यास ताब्यात घेवुन त्याचे कडे तपास केला असता त्याने गुन्हयाचे कामी कबुली दिली व त्याने एकुण १३ मोटर सायकल चोरी केल्याचे मान्य केले व सदर १३ मोटर सायकली एकुण किंमत ५ लाख ०९ हजार रू चा मुद्देमाल हा गुन्हयाचे तपासात जप्त करण्यात आलेला आहे.
त्यापैकी ९ मोटर सायकली या सांगोला पोलीस स्टेशन हद्दीतुन वेगवेगळ्या ठिकाणावरून चोरी केलेल्या असुन ४ मोटर सायकली या जत जि. सांगली भागातुन चोरी केलेल्या आहेत. सदर दोन्ही अल्पवयीन मुलांना त्यांचे आईला समजपत्र देवून त्याचे ताब्यात देण्यात आलेले असुन यातील आरोपी आकाश शशिकांत हातेकर रा. घेरडी ता. सांगोला यास दि.०१/०८/२०२४ रोजी अटक करण्यात आलेली असुन त्याची दि. ०७/०८/२०२४ रोजी पर्यंत पोलीस कस्टडी रिमांड चालु आहे. सदर गुन्हयाचा अधिक तपास वरीष्ठांचे मार्गदर्शनाखाली चालु आहे.
सदर घटनेचा तपास मा. शिरीष सरदेशपांडे पोलीस अधिक्षक सोलापूर ग्रामीण, प्रितम यावलकर अप्पर पोलीस अधिक्षक सोलापूर ग्रामीण, उपविभागीय पोलीस अधिकारी विक्रांत गायकवाड मंगळवेढा विभाग मंगळवेढा याचे मार्गदर्शनाखाली दबंग पोलीस निरीक्षक बी.एस. खणदाळे यांच्या सूचनेवरून पो.हे.कॉ. संजय भानवसे पो.हे.कॉ बजरंग बोराटे, पो.ना अंकुश नलवडे, पो.कॉ. निशांत सावजी, पो. कॉ साबळे, पो.हे.कॉ भुजबळ यांनी केली असल्याची माहिती सांगोला पोलीस ठाण्याकडून मिळाली आहे.
