कोल्हापूर जिल्ह्यातील हातकणंगले तालुक्यामधील रुई गावामध्ये पूर्ववैमनस्यातून दोन समाजाच्या वादातून तुंबळ हाणामारी झाली. या हाणामारीमध्ये सचिन बाबासाहेब कांबळे याचा मृत्यू झाला असून एक गंभीर जखमी असल्याची माहिती समोर येत आहे.
गावातील एका स्पर्धेच्या निमित्ताने झालेल्या वादानंतर गेल्या वर्षभरापासून या दोन गटात वाद धुमसत होता. त्यामुळे गेल्या वर्षभरापासून सुरू असलेला वाद मिटवण्यासाठी गेले असता झाला पुन्हा वादाची ठिणगी पडली.यावेळी दोन गटात झालेल्या हाणामारीत सचिन कांबळेचा मृत्यू झाला.
सचिनच्या मृत्यूनंतर कोल्हापुरात सीपीआर रुग्णालयात मृताच्या नातेवाईक आणि समाज बांधवांनी मोठ्या प्रमाणात गर्दी केली होती. यामध्ये महिलांचा सुद्धा मोठ्या प्रमाणात गर्दी केली होती. या घटनेनंतर रुई गावामध्ये तणावपूर्ण शांतता असून कडेकोट पोलिस बंदोबस्त तैनात करण्यात आला होता.
