कागल पंचतारांकीत औद्योगिक वसाहतीत भिंतीला भगदाड पाडून चोरी झाल्याची घटना उघडकीस आली. ही घटना तळंदगे हातकणंगले तालुक्यातील तळंदगे येथे घडली.यावेळी अज्ञात चोरांनी महापारेषणच्या ४४० किलोव्हॉट ग्रहण केंद्र विभागातील स्टोअर रुमला पाठीमागील बाजून भगदाड पाडून चोरी केली आहे. यामध्ये ५५ हजार २०० रुपयांचा मुद्देमाल चोरट्यांनी पळविला. चोरीमध्ये कंपनीमधील ५५,२०० किमतीचे साहित्य चोरीला गेले आहे.
यामध्ये कॉपर आसोलेटर हँगर रॉड ४ नग, २२० के. व्ही. आसोलेटर जॉ कॉपर ३ नग, अर्थ बॉड कॉपर ०४ नग, ४०० के.व्ही.डी.आसोलेटर मेल कॉन्टक्ट कॉपर १ नग यांचा समावेश आहे. अमोल चांदणे यांनी गोकुळ शिरगाव पोलिसाद फिर्याद दिली. यानंतर पोलिसांनी घटनास्थळी जाऊन घटनेची माहिती घेतली. या घटनेची नोंद गोकुळ शिरगाव पोलिस स्थानकात केली आहे.
