मा. आमदार दीपकआबा साळुंखे पाटील यांनी मशाल हातात घेत शिवसेना पक्षप्रमुख उद्धव ठाकरे यांच्या उपस्थितीमध्ये शिवसेना उद्धव बाळासाहेब ठाकरे पक्षात प्रवेश केला. यानंतर सांगोला तालुक्यातील दीपकआबा समर्थकांमध्ये चैतन्याचे वातावरण निर्माण झाले. जवळा येथे महाविकास आघाडीचे अधिकृत उमेदवार दीपक आबा साळुंखे पाटील यांच्या प्रचाराच्या शुभारंभ प्रसंगी शेतकरी कामगार पक्षातील भोपसेवाडी येथील अनिल गावडे, संतोष गावडे, अनिल वाघमोडे, प्रवीण कोळेकर यांच्यासह अनेक कार्यकर्त्यांनी शिवसेना उद्धव बाळासाहेब ठाकरे पक्षात प्रवेश केला.
शेकाप मधील अनेक कार्यकर्ते शेकापला अखेरचा लाल सलाम करीत दीपक आबा साळुंखे पाटील यांच्या नेतृत्वावर विश्वास ठेवून शिवसेना उद्धव बाळासाहेब ठाकरे पक्षात प्रवेश करीत असल्याने शेकापला खिंडार पडलेले आहे. दीपक आबा साळुंखे पाटील यांचे सांगोला तालुक्याच्या विकास कामांमध्ये मोलाचे योगदान आहे. त्यांना प्रशासनात काम करण्याचा अनुभव चांगला आहे. त्यामुळे शासनाच्या सर्व योजनांची प्रभावी अंमलबजावणी करून तालुका राज्यात आदर्श बनवण्यासाठी तसेच महाविकास आघाडीचा शिवसेना उद्धव बाळासाहेब ठाकरे पक्षाचा पहिला आमदार विजयी करण्याच्या ऐतिहासिक क्षणाचे साक्षीदार होण्यासाठी दीपक आबा साळुंखे पाटील यांना विक्रमी मताधिक्याने विजयी करण्याचा निर्धार हा जवळा परिसरातील ग्रामस्थांनी केलेला आहे. दीपक आबा साळुंखे पाटील यांच्या प्रचाराचा शुभारंभ हजारो कार्यकर्त्यांच्या उपस्थितीमध्ये जवळा येथे झाला
