सार्वत्रिक विधानसभा निवडणुकीच्या अनुषंगाने मतदानाची टक्केवारी वाढविण्यासाठी तसेच मतदारांमध्ये मोठ्या प्रमाणात जनजागृती व्हावी यासाठी शासन निर्देशानुसार आणि आयुक्त तथा प्रशासक ओमप्रकाश दिवटे यांच्या मार्गदर्शनाखाली सायकल रॅलीने मतदान जनजागृती करण्यात आली. महानगरपालिका अधिकारी, कर्मचारी तसेच इचलकरंजी शहरातील विद्यार्थी, विविध क्रीडा संस्थांच्या सहभागातून मंगळवारी सायकल रॅलीचे आयोजन करण्यात आले होते. आयुक्त तथा प्रशासक ओमप्रकाश दिवटे यांच्या हस्ते श्री शिवतीर्थ येथे या रॅलीस प्रारंभ करण्यात आला. तेथून के. एल. मलाबादे चौक, राजवाडा चौक, झेंडा चौक, प्रकाश उत्तम टॉकीज, छ. संभाजी चौक ते पुन्हा श्री शिवतीर्थ या ठिकाणी सदर रॅलीचा समारोप करण्यात आला.
इचलकरंजीत सायकल रॅलीने मतदान जनजागृती
