हातकणंगलेचा विकास आणखी वेगाने करण्यासाठी एकसंधपणे काम करूया. कार्यकर्त्यांची साथ मला लढायला ऊर्जा देणारी आहे. त्यामुळे माझा विजय निश्चित आहे असा विश्वास आमदार राजू आवळे यांनी व्यक्त केला. हातकणंगले तालुक्यातील कुंभोज येथील पदयात्रेदरम्यान ते बोलत होते. कर्मवीर भाऊराव पाटील यांच्या पुतळ्यास पुष्पहार अर्पण करून त्यांनी अभिवादन केले. त्यानंतर पदयात्रेला सुरुवात झाली. यावेळी त्यांनी भाषणातून आपली भूमिका मांडली. यावेळी आमदार आवळे म्हणाले, ‘प्रत्येकाला सोबत घेऊन काम करत आहे.
सर्वसामान्याला आपला वाटणारा आमदार आशी माझी ओळख निर्माण केली आहे. मतदारसंघात केलेली विकासकामे कार्यकर्त्यांनी मतदारांपर्यंत पोहोचवून हातकणंगले मतदारसंघाला पुढे घेऊन जाण्यासाठी साथ द्या.’ यावेळी बी. एम. माळी, धनाजी तिवडे, सदानंद महापुरे, सत्यजित तोरसकर, नामदेव तोरसकर, दीपक कोळी, प्रियदर्शन पाटील, आर. के. टेलर, जहाँगीर हजरत, सचिन पुजारी, अमोल शिंदे, सचिन कोळी, राजन डोणे, दीपक कोले, शुभम पाटील, सुधीर कांबळे, ऋतुराज तोरसकर, प्रकाश तोरसकर, गणपती डोणे, शहानवाज मुजावर, साहिल मुल्ला यांच्यासह महाविकास आघाडीचे पदाधिकारी कार्यकर्ते उपस्थित होते.
हातकणंगले तालुक्यातील बुवाचे वाठार येथील पदयात्रेलाही मोठा प्रतिसाद मिळाला. गावच्या विकासासाठी मागेल तेवढा निधी आमदार आवळे यांनी दिला. त्यांना साथ देऊ, अशी ग्वाही उपसरपंच शंकर शिंदे यांनी दिली. यावेळी कृष्णात वाठारकर, रामचंद्र अणुसे, राजाराम अणुसे, आदिल पाथरवट, आनंदा परीट, बाजीराव इंगळे, रामचंद्र पोवार, मदन अणुसे, मलाप्पा मगदूम, संजय चौगुले, अमित मडके, दिलावर सुतार, निवृत्ती शिंदे, एम. आर. चौगुले उपस्थित होते.
