Secret Door In Hotel Room: हॉटेलमध्ये राहायला गेल्यावर ते हॉटेल त्याच्या खोल्या कशा आहेत, सोयी काय आहे हे सर्व दाखवण्यासाठी अनेकजण फोटो व्हिडिओ काढतात. असंच काहीसं ही महिलाही करत होती. त्यादरम्यान तिला या हॉटेलच्या खोलीत असं काही सापडलं की ते पाहून तिला धक्काच बसला
मेक्सिको: जेव्हाही लोक हॉटेलमध्ये राहायला येतात तेव्हा अनेकजण त्या हॉटेलचे फोटो काढतात आणि व्हिडिओ बनवतात, सोशल मीडियावर शेअर करतात. एक महिलाही हॉटेलमध्ये राहायला गेली. तिने हॉटेल रुमचे भाडे कमी करण्यासाठी मॅनेजरशी बराच वेळ वादही घातला. पण, पुढे काय होणार होतं हे त्या महिलेला माहीत नव्हते. ती जेव्हा या हॉटेलच्या रुममध्ये गेली तेव्हा तिला तिथे एक गुप्त दरवाजा सापडला.
मिरर यूकेच्या रिपोर्टनुसार, हॉटेल रुमच्या कपाटामध्ये वस्तू ठेवण्यासाठी किती जागा आहे हे पाहण्यासाठी ही महिला कपाटाच्या दिशेने गेली आणि तिने कपाटाचं दार उघडलं. यावेळी तिला त्या कपाटाच्या आत एक गुप्त दरवाजा सापडला, जो एका दुसऱ्याच ठिकाणी जाता होता. डायना अल्वारेझ असे या महिलेचे नाव आहे. या घटनेचा व्हिडिओही तिने टिकटॉकवर शेअर केला आहे. यामध्ये ती खोलीतील बेड आणि वॉर्डरोब दाखवत होती. तेवढ्यात तिने कपाट उघडलं. पहिल्यांदा कपाट उघडल्यावर सगळं सामान्य दिसत होतं. पण, मग तिने समोरच्या दिशेने बारकाईने पाहिलं तर तिला एक दरवाजा दिसला.
डायनाने हॉटेलचे कीकार्ड वापरून दार उघडले. तिला कपाटाच्या आत एक रहस्यमय दरवाजा दिसला. ते दार उघडल्यावर ती जेव्हा त्या दारातून आता गेली तेव्हा तिला तिथे एक मोठी गॅलरी दिसली. गॅलरीत तिला आणखी एक दरवाजा सापडला. तो उघडल्यावर बोगद्यासारखी जागा दिसत होती.
डायनाने तिच्या व्हिडिओच्या कॅप्शनमध्ये लिहिले की, ‘तुमच्या हॉटेलच्या खोलीत हे सापडण्याची कल्पना करा. भयानक, हे किती विचित्र आहे. हे ठिकाण कशासाठी असू शकते? हॉटेलमध्ये अशा गोष्टी सापडण्याबद्दल मी काही भयंकर गोष्टी ऐकल्या आहेत.’
तिच्या पोस्टवर कमेंट करताना एका व्यक्तीने म्हटले की, ‘हे एखाद्या हॉरर चित्रपटातील दृश्यासारखे आहे.’ डायना ही मेक्सिकोची रहिवासी आहे. पण एका युजरने म्हटले की, ‘हे दृश्य चिलीमध्ये आहे. हे भूकंप संरक्षणासाठी आहे. भूकंपादरम्यान जर तुम्ही वरच्या मजल्यावर असाल तर तुम्ही येथून सुरक्षित निघू शकता. आणखी एका युजरने लिहिले की, ‘अनेक हॉटेल्समध्ये भिंतींच्या मागे कॉरिडॉर लपलेले असतात, ज्याची माहिती फक्त हॉटेल मालकांना असते. ते हेरगिरीसाठी त्याचा वापर करतात’.
